Innherji
Margt sem bendir til að viðnámsþrótti ferðaþjónustunnar sé ábótavant
Þótt fyrirtækin standi almennt vel að vígi til að mæta efnahagsáföllum þá er staðan nokkuð misjöfn milli atvinnugreina og er margt sem bendir til þess að viðnámsþrótti ferðaþjónustunnar sé ábótavant, að mati Seðlabankans, einkum vegna þess hversu sveiflukennd eftirspurnin getur verið. Ekki eru hins vegar enn sem komið skýrar vísbendingar um samdrátt í greininni í ár.
Hvað segja greinendur erlendra banka um stöðu og horfur Alvotech?
Eftir að hafa hríðfallið á fáeinum mánuðum þá endurspeglar núverandi hlutabréfaverð Alvotech að stórum hluta þær tafir sem hafa orðið á markaðssetningu nýrra lyfja í Bandaríkjunum og skýrari mynd þarf að fást á framhaldið áður en búast megi við snörpum viðsnúningi, að mati sérfræðinga. Greinendur erlendra fjármálastofnana hafa á síðustu dögum verið að uppfæra verðmöt sín á Alvotech, sem flestir telja að sé undirverðlagt á markaði, og sumir eru „hóflega“ bjartsýnir á að félagið sé að snúa vörn í sókn á meðan aðrir undirstrika að óvissan er enn mikil.
Lánveitendur þurfa að vera vakandi fyrir „aukinni áhættu“ í byggingageiranum
Vaxandi óvissa í alþjóðamálum samhliða versnandi verðbólguhorfum og væntingum um hærri vexti og hægari efnahagsumsvif gæti haft þau áhrif að það mun reyna á fjármálastöðugleika hér á landi, að mati Seðlabankans, en þjóðarbúið og fjármálakerfið stendur sterkt til að mæta þeim áskorunum. Fjármálastöðugleikanefnd brýnir einnig lánveitendur til að vera vakandi fyrir „aukinni áhættu“ í byggingageiranum en skuldir hafa þar farið vaxandi.
Skilmálar veðpottsins beina Eik að Reykjavík þegar þörfin vex annars staðar
Þeir skilmálar sem eru að baki svonefndum veðpotti hjá Eik, eignasafn sem er nýtt sem veð við markaðsfjármögnun, eru sumpart „barn síns tíma“, að mati forstjórans, og setja ákveðnar skorður á fjárfestingu utan höfuðborgarsvæðisins þar sem atvinnulífið er í auknum mæli að byggjast upp. Hann segist ekki vilja „leika einhverja snjalla leiki“ við fjármögnun á stórum efnahagsreikningi heldur skipti mestu að eyða út öllum kúlulána-gjalddögum úr endurgreiðsluferli félagsins.
Lækka verðmatið og segja Alvotech vera í „biðstöðu“ fram að samþykki FDA
Þótt langtímahorfur á markaði fyrir líftæknilyfjahliðstæður séu góðar þá er útlit fyrir að Alvotech verði áfram í nokkurs konar „biðstöðu“ þangað til FDA gefur grænt ljós á markaðsleyfi í lok ársins, að mati greinenda erlends fjárfestingabanka, og er fjárfestum ráðlagt að fylgjast með fjárhagslegum sveigjanlega félagsins.
Felldu tillögu lífeyrissjóða um að setja upp tilnefningarnefnd í Hampiðjunni
Tillaga hóps lífeyrissjóða sem vildu að hafin yrði undirbúningur að stofnun tilnefningarnefndar hjá Hampiðjunni, líkt og hjá miklum meirihluta félaga í Kauphöllinni, hlut ekki brautagengi á aðalfundi félagsins.
Búast við skarpri hækkun verðbólgunnar og óvissan í spánum áfram upp á við
Útlit fyrir að verðbólgan muni hækka nokkuð skarpt í marsmánuði, ef marka má meðalspá greinenda, sem má einkum rekja til verðhækkana á olíu á heimsmarkaði. Óvissan í spánum er sögð meiri upp á við og áhyggjur eru af annarrar umferðar áhrifum af hærri verðbólgu á komandi mánuðum.
Alvotech ætlar að færa hluta framleiðslunnar til Bandaríkjanna
Alvotech vinnur nú að því að koma á fót annarri framleiðsluaðstöðu sem yrði í Bandaríkjunum fyrir hluta af lyfjaframleiðslu sinni með því að gera samning við stategískan samstarfsaðila þar í landi. Að sögn stjórnenda félagsins, sem hefur hingað til verið með alla framleiðslu sína hér á landi, er markmiðið meðal annars að auka afhendingaröryggi og styðja við markaðssetningu og aukna sölu á alþjóðamörkuðum.
„Löngu tímabært“ að kaupaukareglur verði þær sömu og í nágrannalöndum
Stjórnarformaður Kviku telur að innleiðing á nýju regluverki um breytileg starfskjör muni að óbreyttu hafa „alvarleg áhrif“ á samkeppni um starfsfólk á fjármálamarkaði og kallar eftir því að löggjöfin sé samræmd við það sem þekkist í nágrannalöndum. Stjórnendur Kviku og Arion hafa átt í forviðræðum um margra mánaða skeið við Samkeppniseftirlitsins vegna fyrirhugaðs samruna en „of snemmt“ er að segja til um lyktir þeirra.
Allir nema Trump skilja hvað hann hefur gert
Donald Trump hugsar ekki með strategískum hætti. Hann hugsar heldur ekki í sögulegu eða landfræðilegu samhengi, né heldur á rökréttan hátt. Hann tengir ekki saman ákvarðanir sem hann tekur einn daginn við atburði sem eiga sér stað vikum síðar. Hann veltir því ekki fyrir sér hvernig hegðun hans á einum stað hefur áhrif á viðbrögð annarra á öðrum stöðum.
Varanleg tugprósenta hækkun olíuverðs gæti ýtt verðbólgunni upp í sex prósent
Vaxtahækkun og skilaboð peningastefnunefndar var nauðsynlegt skref til að snúa við óheillaþróun síðustu mánaða þannig að endingu skapist forsendur fyrir lækkun vaxta, að mati hagfræðings, en hann varar við því að verðbólgan geti farið upp undir sex prósent á árinu ef hækkun olíuverðs gengur ekki til baka. Lítilsháttar lækkun á verðbólguálaginu í gær var skammgóður vermir fyrir Seðlabankann og hafa verðbólguvæntingar skuldabréfafjárfesta rokið upp á nýjan leik.
Afkoma Alvotech umfram spár en sölutekjurnar skreppa mikið saman
Bæði tekjur og aðlagaður rekstrarhagnaður hjá Alvotech á fjórða ársfjórðungi var yfir meðalspá greinenda en afkomuspá félagsins fyrir árið 2026, sem gerir ráð fyrir nánast engum tekjum í Bandaríkjunum af lyfjum sem bíða samþykkis FDA, helst óbreytt. Sölutekjur Alvotech skruppu mikið saman á seinni árshelmingi þegar félagið þurfti að ráðast í endurbætur á framleiðsluaðstöðunni.
Myndi hjálpa töluvert að fá skilaboð um að það yrðu ekki átök á vinnumarkaði
Það myndi draga úr óvissu og slá á hækkun verðbólguvæntinga ef aðilar vinnumarkaðarins kæmu strax út með þau skilaboð að það væru ekki að fara hefjast átök á vinnumarkaði með því að virkja uppsagnarákvæði kjarasamninga, að sögn seðlabankastjóra. Að því marki sem frumvarp stjórnvalda sem miðar að því að tengja bætur almannatrygginga við launavísitölu hefur áhrif á trúverðugleika ríkisfjármála þá væri það jákvætt innlegg að falla frá þeim áformum við núverandi aðstæður.
Seðlabankinn herðir tóninn verulega og hækkar vexti í fyrsta sinn frá 2023
Þrátt fyrir merki um kólnun í hagkerfinu hefur peningastefnunefnd Seðlabankans ákveðið að hækka meginvexti um 25 punkta, einkum vegna hækkunar á verðbólguvæntingum að undanförnu, og sendir í senn skýr og gjörbreytt skilaboð um að vera reiðubúin að herða taumhaldið enn frekar. Tveir nefndarmenn vildu ganga enn lengra og hækka vextina um 50 punkta.
Gengishækkun bréfa ISB vegna mikilla endurkaupa var „ekki forsendubrestur“
Þegar samið var um helstu skilmála samruna Íslandsbanka og Skaga í október, meðal annars með því að festa gagngjaldið til hluthafa Skaga í tilteknum fjölda hluta, var gert ráð fyrir áframhaldandi kaupum bankans á eigin bréfum sem hafði „óhjákvæmilega áhrif til hækkunar“ á hlutabréfaverðinu, að sögn stjórnarformanns Skaga. Hann segir það hafa verið „veruleg vonbrigði“ þegar Íslandsbanki setti fram kröfur um mikla lækkun á gagngjaldinu á grundvelli ólíkrar þróunar á markaðsvirði félaganna sem hafi ekki átt sér stoð sem ein forsenda breytinga á samkomulaginu.
Lífeyrissjóðir biðu af sér dýfuna þegar gengi Alvotech féll um sextíu prósent
Á meðan innlendir verðbréfasjóðir hafa flestir hverjir minnkað verulega stöðu sína í Alvotech undanfarna mánuði og misseri hafa lífeyrissjóðir beðið af sér dýfuna sem hefur orðið á hlutabréfaverði líftæknilyfjafélagsins. Eignarhlutur helstu lífeyrissjóða í Alvotech hélst að mestu óbreyttur í fyrra þegar gengi bréfa félagsins féll um meira en sextíu prósent.
Flókið að biðja lífeyrissjóði að vera í senn langtímafjárfestar og virkir á markaði
Ekki er að sjá af gögnum að íslenskir lífeyrissjóðir séu sérstaklega áhættufælnir í fjárfestingum sínum að mati framkvæmdastjóra eins af stærstu sjóðum landsins, líkt og fjármála- og efnahagsráðherra hefur haldið fram, en hann telur að sporna þurfi við þeirri stöðugu umræðu að skammtímasveiflur í gengi hlutabréfa feli í sér áhættu fyrir lífeyrissjóði. Hann fagnar því ef ráðherra vill skoða leiðir til að auka þátttöku almennings á mörkuðum, sem gæti aukið skilvirkni þeirra, enda sé flókið að biðja lífeyrissjóði að vera í senn langtímafjárfestar og stuðla að stöðugri verðmyndum með tíðum viðskiptum.
Steinn í vegi aðildar að ESB
Umræðan um að Ísland geti gengið í Evrópusambandið en samt haldið sjávarútveginum utan við sameiginlegu sjávarútvegsstefnuna minnir á dæmisöguna um manninn sem ætlaði að færa stóran stein úr veginum. Vinur hans benti honum á að steinninn væri óhreyfanlegur sökum stærðar og hélt áfram göngu sinni, en sá þrjóski hélt áfram að lemja steininn og berja, ýta við honum og bölva en allt kom fyrir ekki.
Kjaraviðræður í dvala og þarf að „hreinsa borðið“ áður en gerður er nýr samningur
„Snúin mál“ sem lúta að réttindum um starfslok flugmanna Icelandair „þarf að leiða í jörð“ áður en hægt er að halda áfram eiginlegum viðræðum um nýjan kjarasamning, að sögn formanns Félags íslenskra atvinnuflugmanna, en þær hafa legið í dvala um nokkurt skeið. Náist þar saman geti „hlutirnir gerst hratt“ en síðasti formlegi samningafundur fór fram undir lok síðasta árs.
Aðeins 3,2% einstaklinga um þrítugt ráða óstuddir við að kaupa fyrstu íbúð
Gögn síðustu ára sýna skýrt að lóðaskortur og úrelt skipulag á höfuðborgarsvæðinu er að loka húsnæðismarkaðnum fyrir sífellt stærri hluta yngri kynslóða. Þegar við horfum núna upp á yfirvöld skipulagsmála hækka jafnt en hratt þröskuldinn til að eignast fyrstu íbúð er á sama tíma verið að draga verulega úr möguleikum hins almenna Íslendings á að byggja upp sjóð til að auka öryggi og lífsgæði á efri árum.
ISNIC verðmetið á meira en fjóra milljarða við sölu til sjóðs Stefnis
Allt hlutafé Internets á Íslandi, sem sér um rekstur .is lénakerfisins, var verðmetið á vel yfir fjóra milljarða króna þegar framtakssjóður í rekstri Stefnis keypti meirihluta í félaginu snemma árs í fyrra. Ríkissjóður nýtti sér ekki forkaupsrétt til að stíga inn í viðskiptin.
Telur stjórnarmenn þurfa að útskýra fyrir hluthöfum breytta afstöðu til samruna
Fjárfestirinn Bjarni Ármannsson segist „ekki trúa öðru“ en að stjórnir Íslandsbanka og Skaga muni á aðalfundi félaganna í komandi viku gera efnislega grein fyrir því gagnvart hluthöfum af hverju samrunaviðræðum var slitið og kallar eftir því að lífeyrissjóðir hafi skoðun á slíkum „strategískum ákvörðunum.“ Þá er Bjarni, annar stærsti hluthafi Skaga, afar gagnrýninn á að ekki hafi verið upplýst um hvaða fjárfestar voru í samfloti með Heiðari Guðjónssyni þegar óskað var eftir hluthafafundi í Íslandsbanka í því skyni að efna til stjórnarkjörs og segir slíka „leyndarhyggju ekki vera í lagi“ þegar um sé að ræða kerfislega mikilvægan banka.
Sjóðir Stefnis byggja upp stöðu í Bláa lóninu í aðdraganda skráningar
Sjóðastýringarfyrirtækið Stefnir hefur nýlega fest kaup á drjúgum eignarhlut í Bláa lóninu, sennilega verðmætasta ferðaþjónustufyrirtæki landsins, en stjórnendur og aðaleigendur félagsins vinna nú að undirbúningi við skráningu á markað sem stefnt er að næstkomandi haust.
Er íslenskt samfélag undirbúið fyrir gervigreindarbyltinguna?
Margir hafa bent á að gervigreind muni leiða til aukinnar framleiðni, nýrra tækifæra og hraðari hagvaxtar. Það er líklega rétt til lengri tíma. En saga tækniframfara sýnir einnig að slíkar breytingar geta haft djúpstæð áhrif á vinnumarkað og efnahagskerfi og oft gerist það hraðar en fólk gerir sér grein fyrir í upphafi.
Að gefa rétt spil á hendi
Það er umhugsunarvert hvernig oft er talað um fjármál, að þau séu flókið og jafnvel dálítið ógnvekjandi fyrirbæri. Sem þau geta vissulega verið. Tölur, sparnaður, vextir, markaðir og fjárfestingar, virðast mörgum eingöngu tilheyra sérfræðingum í fjármálum, en ekki öðrum. Fjármál eiga samt alls ekki að vera framandi, enda eru þau hluti af daglegu lífi okkar allra.
Spá því að peningastefnunefnd verði „nauðbeygð“ til að hækka vexti
Verðbólguvæntingar hafa aukist á alla mælikvarða á undanförnum vikum, sem hefur þýtt talsvert minnkandi aðhaldsstig peningastefnunnar, og er Seðlabankinn þess vegna „nauðbeygður“ til að hækka vexti um 25 punkta í næstu viku, að mati greinenda IFS. Útlit er fyrir að verðbólgan muni aukast enn frekar í mars og bankinn þurfi að bregðast hratt við „óheppilegri framvindu“ síðustu mánuði.
Evrópa fer á mis við 30 billjóna dala tækifæri í lífeyrismálum
Það er ekki auðvelt að umbreyta þungum gegnumstreymiskerfum Frakklands og Þýskalands yfir í sjóðasöfnun eins og tíðkast í Danmörku, Hollandi og Svíþjóð. En ávinningurinn yrði mikill. Ef öll ESB-lönd ættu lífeyriseignir að verðmæti 140% af vergri landsframleiðslu þá myndu þessir sjóðir rúma næstum 30 billjónir Bandaríkjadala.
Mæla með kaupum í Sjóvá en „hörð samkeppni“ haft neikvæð áhrif
Rekstrarumhverfi Sjóvá einkennist af mikilli óvissu á eignamörkuðum og aukinni samkeppni í tryggingarstarfseminni, að sögn greinenda, en félagið er samt talið nokkuð undirverðlagt og fjárfestum ráðlagt að bæta við sig bréfum.
Erlendir sjóðir bæta enn við sig í ríkisbréfum þótt raunvaxtamunur minnki
Fjórða mánuðinn í röð voru erlendir fjárfestingarsjóðir að bæta við sig í íslenskum ríkisverðbréfum þrátt fyrir að raunvaxtamunur Íslands gagnvart útlöndum hafi heldur farið minnkandi á sama tíma.
Gengi Íslandsbanka réttir úr kútnum eftir að Capital Group selur sig út
Tæplega tveimur mánuðum eftir að Capital Group, þá stærsti erlendi fjárfestirinn í hluthafahópi Íslandsbanka, byrjaði skipulega að minnka eignarhlut sinn hefur sjóðastýringarrisinn núna selt sig út en yfir níu milljarða velta hefur verið með bréf bankans í dag.
