Innlent

Sinntu út­kalli þar sem grind­verk hafði fokið fyrir ak­braut

Lögreglustöð eitt barst tilkynning í morgun eða í dag þar sem kom fram að grindverk hefði fokið fyrir akbraut. Voru gerðar viðeigandi ráðstafanir en líkt og fram hefur komið er útlit fyrir vonskuveður um mestallt landið á miðvikudag þegar dýpsta októberlægð í rúm sex­tíu ár gengur yfir. Þá hefur fólk verið hvatt til að taka inn lausamuni og hliðra plönum.

Innlent

Dómurinn segi ekki alla söguna

Sverrir Einar Eiríksson, skemmtistaða- og áfengisverslunareigandi, segir mikilvægt að ábyrgð á beitingu opinbers valds sé tekin alvarlega en hann var í dag dæmdur í tveggja ára fangelsi fyrir meiriháttar skattalagabrot, meðal annars í rekstri skemmtistaðarins B í Bankastræti. Þá telur hann aðgerðir tiltekinna starfsmanna lögreglu og Skattsins hafa valdið sér og fyrirtækjunum sínum verulegu tjóni.

Innlent

Höfuð­paur Reykholtsmálsins fær átta ára dóm

Andri Már Mortenssen Birgisson var dæmdur í átta ára fangelsi fyrir aðkomu sína að Reykholtsmálinu svokallaða. Dómur var kveðinn upp yfir honum og fimm öðrum en þeim var gefið að sök að hafa frelsissvipt, fjárkúgað og beitt maltneskan mann stórfelldu ofbeldi í Reykholti.

Innlent

Dæmdur fyrir skatt­svik vegna B

Skemmtistaða- og áfengisverslunareigandi var dæmdur í tveggja ára fangelsi fyrir meiriháttar skattalagabrot, meðal annars í rekstri skemmtistaðarins B í Bankastræti. Hann þarf að afplána þrjá mánuði af fangelsisrefsingunni og greiða meira en hundrað milljónir í sekt.

Innlent

Segir að þegar 13 þúsund skrifa undir verði stjórn­völd að hlusta

„Þegar 13 þúsund manns skrifa undir svona áskorun þá verða stjórnvöld auðvitað að hlusta.“ Þetta sagði umhverfisráðherra eftir fund með andstæðingum sjókvíaeldis á Seyðisfirði. Þeir segjast vona að það verði forgangsmál stjórnvalda að koma í veg fyrir að sjókvíaeldið verði að veruleika.

Innlent

Engin ó­birt lof­orð eða leyni­legt sam­komu­lag

Engin óbirt loforð eða leynilegt samkomulag fylgdu niðurstöðunni við VR og fagfélögin, að sögn Bjarna Benediktssonar, framkvæmdastjóra Samtaka atvinnulífsins. Hann segir enga innistæðu fyrir tortryggni Sólveigar Önnu Jónsdóttur, formanns Eflingar, og segist treysta sér til áframhaldandi samstarfs við verkalýðshreyfinguna þótt hún telji traustið til hans horfið.

Innlent

Ó­veður í að­sigi: Lík­legt að flug raskist

Viðvaranir verða gefnar út á landinu öllu vegna óvenju djúprar lægðar sem á að ganga yfir landið á miðvikudag. Veðurfræðingur telur líklegt að flug raskist og segir að fólk eigi ekki að gera ráð fyrir að komast ferða sinna.

Innlent

Hlaut fyrstu verð­laun fyrir rann­sókn í sjúkra­þjálfun

Íslensk meistaraprófsrannsókn í sjúkraþjálfun hlaut um helgina fyrstu verðlaun evrópskra samtaka um rannsóknir á sviði sjúkraþjálfunar á háskólastigi. Höfundur rannsóknarinnar, Dagbjört Ósk Hreggviðsdóttir, hlaut verðlaunin fyrir lokaverkefni sitt frá námsbraut í sjúkraþjálfun við læknadeild Háskóla Íslands.

Innlent

Segir Bjarna hafa valið klæki og ó­frið við Eflingu

Sólveig Anna Jónsdóttir formaður Eflingar segir Samtök atvinnulífsins, SA, hafa valið ófrið við Eflingu og sakar Bjarna Benediktsson framkvæmdastjóra SA um að bjóða upp á klæki í stað heiðarlegra samskipta. Hún segir það ekki hennar hlutverk að stilla til friðar í verkalýðshreyfingunni en átök hennar og formanns VR hafa verið til umræðu í aðdraganda þings ASÍ í vikunni. 

Innlent

Steinunn kjörin næsti forseti Alþjóðasamtaka lækna

Steinunn Þórðardóttir, formaður Læknafélags Íslands, var um helgina kosin næsti forseti Alþjóðasamtaka lækna, World Medical Association (WMA), fyrir tímabilið 2027–2028. Steinunn greinir frá þessu á Facebook-síðu sinni en hún sótti aðalfund samtakanna í liðinni viku.

Innlent

Þrettán þúsund hafa skrifað undir

Rúmlega þrettán þúsund manns hafa skrifað undir áskorun til stjórnvalda um verndun Seyðisfjarðar og verða undirskriftalistar afhentir Jóhanni Páli Jóhannssyni umhverfis-, orku- og loftslagsráðherra í dag klukkan ellefu.

Innlent

Alls ekki á móti því að fólk hafi það gott

Seðlabankastjóri segir innlendar hækkanir á þjónustu og launum hafa mest áhrif á verðbólguna núna. Stýrivextir séu biturt meðal og ekki með glöðu geði sem þeim er beitt. Það sé rétt hjá verkalýðshreyfingunni að stýrivextir leggist misjafnlega á ólíka hópa en staðan sé að einhverju leyti afleiðing af þeirra eigin gjörðum. Rangar ákvarðanir hafi mögulega verið teknar í Seðlabankanum sem í raun reyni að reka velferðarstefnu.

Innlent

Réðust á dreng og tóku af honum hlaupahjól

Tveir ungir drengir réðust að einum dreng á svipuðum aldri í Hafnarfirði í gær. Þeir neyddu hann af hlaupahjóli sem hann var á og tóku það af honum ófrjálsri hendi, samkvæmt lögreglu. Drengirnir og hjólið fundust þó skömmu síðar.

Innlent

Nýr meiri­hluti í Suðurnesjabæ

Samfylkingin og Framsókn hafa náð samkomulagi um myndun nýs meirihluta í bæjarstjórn Suðurnesjabæjar. Meirihluti Sjálfstæðisflokks og Samfylkingar sprakk á sunnudaginn síðastliðinn eftir fjögurra mánaða samstarf. 

Innlent

„Við erum ekkert að biðja um ein­hverja sér­með­ferð“

Unnur Brá Konráðsdóttir, sveitarstjóri í Borgarbyggð, hefur kært menntamálaráðuneytið og Miðstöð menntunar og skólaþjónustu fyrir að neita að afhenda sveitarfélaginu niðurstöður úr PISA-könnunum. Hún segir það skjóta skökku við að ráðuneytið afhendi stærstu sveitarfélögunum slíkar upplýsingar en ekki minni sveitarfélögum á landsbyggðinni.

Innlent

Brotist inn í tvö fyrir­tæki

Lögreglunni á höfuðborgarsvæðinu bárust tvær tilkynningar um innbrot á svipuðu svæði miðsvæðis í Reykjavík í dag. Málin eru bæði í rannsókn.

Innlent

Hafi verið beggja vegna borðsins

Deildarstjóri fiskeldisdeildar Matvælastofnunar segir fyrrverandi starfsmann Fiskeldis Austfjarða ekki hafa komið að áhættumati vegna fyrirhugaðs eldis félagsins í Seyðisfirði. Honum hafi aðeins verið beint tiltekinni spurningu um staðal fyrir eldisbúnað. Katrín Oddsdóttir lögmaður gagnrýnir að leitað hafi verið til hans þrátt fyrir reglu um að hann kæmi ekki að málinu.

Innlent

„Þetta var al­gjör­lega magnað“

Júlíus Garðar Þorvaldsson áhugaljósmyndari segist ekki hafa vitað hvaðan á sig stóð veðrið þegar hann rak augun í stóra grindhvalavöðu úti við ströndina við Hólmavík. Hann dreif sig út á bát og náði myndbandi af vöðunni.

Innlent

Mest lesið