Berlusconi flottur

Þjóðarleiðtoginn Silvio Berlusconi er ekki bara heimsfrægur fyrir stjórnmálastílinn sinn heldur hefur hann nú getið sér gott orð í tískuheiminum. Berlusconi sást með klút um höfuðið ekki fyrir löngu og var óspart gert grín að honum. Nú er staðan heldur betur öðruvísi þar sem Berlusconi virðist hafa skapað nýja tísku sem hefur tröllriðið Evrópu í sumar. Höfuðklútar seljast upp í flestum löndum og þarf að panta þá frá löndum utan Evrópu. Reyndar er það ekki aðeins Berlusconi sem hefur komið á þessari tískubylgju því stórstirni eins og David Beckham hafa einnig sést með slíkan höfuðbúnað.