Bakkafjara vænlegur kostur 21. desember 2005 00:01 Nýr valkostur virðist nú vera kominn fram til lausnar á samgöngumálum Vestmannaeyinga, sem fróðlegt verður að fylgjast með, en það er höfn í Bakkafjöru. Samgöngumál Eyjamanna hafa lengi verið til umræðu og nokkrar tillögur komið fram til lausnar á þeim. Flugsamgöngur við Eyjar hafa oft verið stopular, en það er þó kostur sem alls ekki má afskrifa þótt eitthvað annað reki á fjörur Eyjanna. Flugvöllurinn á Heimaey hefur margsannað ágæti sitt, enda hefur hann verið byggður upp og búinn góðum tækjum sem tilheyra á þessum stað. En veður og vindar eru oft þannig í Eyjum að ekki gefur til flugs þangað svo dögum skiptir, og þá er það sjóðleiðin sem gildir. Með hafnargerð í Þorlákshöfn og ferjulægi eftir gos, varð bylting í samgöngumálum Eyjamanna, því áður sigldu skip sem héldu uppi ferðum milli Eyja og lands fyrir Reykjanesskagann, sem er bæði lengri og erfiðari sjóleið. Nútíminn krefst þess hins vegar að samgöngur við Eyjar verði stórbættar, þannig að Eyjamenn og séu álíka settir og aðrir landsmenn hvað varðar samgöngumál. Að öðrum kosti mun áfram draga úr búsetu fólks í Vestmannaeyjum, og það væri miður. Ferjuhöfn í Bakkafjöru þótti fyrir nokkrum árum fjarlægur kostur til að leysa samgöngumál við Vestmannaeyjar, en nú hafa málin þróast á þann veg, að þarna virðist við fyrstu sýn vera komin framtíðarlausn. Þrír kostir hafa aðallega verið til umræðu varðandi bættar samgöngur milli Eyja og lands. Fyrst má nefna hraðskreiðari Herjólf, í öðru lagi jarðgöng undir sjávarbotni og í þriðja lagi ferjuhöfn við Bakkafjöru. Það er ljóst að nýr Herjólfur styttir ekki ferðatímann nema lítillega. Þá virðist sjávarbotninum milli lands og Eyja, ekki vera sem heppilegastur fyrir jarðgöng, og það mun kosta mikið að kanna jarðlögin þarna til hlítar. Ferjuhöfn við Bakkafjöru er nú talinn raunverulegur valkostur. Hafnargerð við Suðurströndina var lengi vel talin óframkvæmanleg, en Gísli Viggósson verkfræðingur hjá Siglingamálstofnun og starfsmenn hans, hafa ítrekað sýnt að næstum ekkert er ómögulegt í þesum efnum, samanber hafnargerð á Hornafirði, í Þorlákshöfn og Grindavík, svo dæmi séu nefnd. Við nánari rannsóknir og tilraunir á sjólagi á eftir að koma í ljós hvernig best yrði staðið að hafnargerðinni, en fyrstu tilraunir lofa góðu. Með ferjuhöfn í Bakkafjöru yrði aðeins hálftíma sigling milli lands og Eyja á ganggóðu skipi, og yrði bylting í samgöngumálum við Eyjarnar. Fyrstu áætlanir benda líka til þess að kostnaður yrði mun minni en við jarðgöng. Þá er á það að líta að ofan við Bakkafjöru er kominn flugvöllur fyrir Vestmannaeyjaflug og með tilkomu ferjuhafnar yrði þarna eins konar samgöngumiðstöð fyrir Eyjarnar, þar sem flug og ferja ynnu saman. Ferjuhöfn í Bakkafjöru þótti fyrir nokkrum árum fjarlægur kostur til að leysa samgöngumál við Vestmannaeyjar, en nú hafa málin þróast á þann veg, að þarna virðist við fyrstu sýn vera komin framtíðarlausn. Það er mikilvægt að nægar fjárveitingar verði til þessa verkefnis, sem er bæði spennandi og hagkvæmt að því er séð verður. Viltu birta grein á Vísi? Sendu okkur póst. Senda grein Kári Jónasson Skoðanir Mest lesið Háskólinn á Bifröst – Öflugur og sjálfstæður fjarnámsskóli Sólveig Hallsteinsdóttir Skoðun Það eru fleiri fiskar í sjónum og fleiri sjónarmið í hafstjórn Guðbjörg Ásta Ólafsdóttir Skoðun Skapandi menntun skilar raunverulegum árangri Bryngeir Valdimarsson Skoðun Sex ára sáttmáli Davíð Þorláksson Skoðun Heiðursgestur Viðreisnar vill heimsveldi Hjörtur J. Guðmundsson Skoðun Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir Skoðun Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir Skoðun Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun Framtíðarskipulag Keldnalands er ekki útópía – og þaðan af síður dystópía Birkir Ingibjartsson Skoðun Styrkjum stöðu leigjenda Kristján Þórður Snæbjarnarson Skoðun
Nýr valkostur virðist nú vera kominn fram til lausnar á samgöngumálum Vestmannaeyinga, sem fróðlegt verður að fylgjast með, en það er höfn í Bakkafjöru. Samgöngumál Eyjamanna hafa lengi verið til umræðu og nokkrar tillögur komið fram til lausnar á þeim. Flugsamgöngur við Eyjar hafa oft verið stopular, en það er þó kostur sem alls ekki má afskrifa þótt eitthvað annað reki á fjörur Eyjanna. Flugvöllurinn á Heimaey hefur margsannað ágæti sitt, enda hefur hann verið byggður upp og búinn góðum tækjum sem tilheyra á þessum stað. En veður og vindar eru oft þannig í Eyjum að ekki gefur til flugs þangað svo dögum skiptir, og þá er það sjóðleiðin sem gildir. Með hafnargerð í Þorlákshöfn og ferjulægi eftir gos, varð bylting í samgöngumálum Eyjamanna, því áður sigldu skip sem héldu uppi ferðum milli Eyja og lands fyrir Reykjanesskagann, sem er bæði lengri og erfiðari sjóleið. Nútíminn krefst þess hins vegar að samgöngur við Eyjar verði stórbættar, þannig að Eyjamenn og séu álíka settir og aðrir landsmenn hvað varðar samgöngumál. Að öðrum kosti mun áfram draga úr búsetu fólks í Vestmannaeyjum, og það væri miður. Ferjuhöfn í Bakkafjöru þótti fyrir nokkrum árum fjarlægur kostur til að leysa samgöngumál við Vestmannaeyjar, en nú hafa málin þróast á þann veg, að þarna virðist við fyrstu sýn vera komin framtíðarlausn. Þrír kostir hafa aðallega verið til umræðu varðandi bættar samgöngur milli Eyja og lands. Fyrst má nefna hraðskreiðari Herjólf, í öðru lagi jarðgöng undir sjávarbotni og í þriðja lagi ferjuhöfn við Bakkafjöru. Það er ljóst að nýr Herjólfur styttir ekki ferðatímann nema lítillega. Þá virðist sjávarbotninum milli lands og Eyja, ekki vera sem heppilegastur fyrir jarðgöng, og það mun kosta mikið að kanna jarðlögin þarna til hlítar. Ferjuhöfn við Bakkafjöru er nú talinn raunverulegur valkostur. Hafnargerð við Suðurströndina var lengi vel talin óframkvæmanleg, en Gísli Viggósson verkfræðingur hjá Siglingamálstofnun og starfsmenn hans, hafa ítrekað sýnt að næstum ekkert er ómögulegt í þesum efnum, samanber hafnargerð á Hornafirði, í Þorlákshöfn og Grindavík, svo dæmi séu nefnd. Við nánari rannsóknir og tilraunir á sjólagi á eftir að koma í ljós hvernig best yrði staðið að hafnargerðinni, en fyrstu tilraunir lofa góðu. Með ferjuhöfn í Bakkafjöru yrði aðeins hálftíma sigling milli lands og Eyja á ganggóðu skipi, og yrði bylting í samgöngumálum við Eyjarnar. Fyrstu áætlanir benda líka til þess að kostnaður yrði mun minni en við jarðgöng. Þá er á það að líta að ofan við Bakkafjöru er kominn flugvöllur fyrir Vestmannaeyjaflug og með tilkomu ferjuhafnar yrði þarna eins konar samgöngumiðstöð fyrir Eyjarnar, þar sem flug og ferja ynnu saman. Ferjuhöfn í Bakkafjöru þótti fyrir nokkrum árum fjarlægur kostur til að leysa samgöngumál við Vestmannaeyjar, en nú hafa málin þróast á þann veg, að þarna virðist við fyrstu sýn vera komin framtíðarlausn. Það er mikilvægt að nægar fjárveitingar verði til þessa verkefnis, sem er bæði spennandi og hagkvæmt að því er séð verður.
Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir Skoðun
Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir Skoðun
Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun
Framtíðarskipulag Keldnalands er ekki útópía – og þaðan af síður dystópía Birkir Ingibjartsson Skoðun
Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir Skoðun
Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir Skoðun
Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun
Framtíðarskipulag Keldnalands er ekki útópía – og þaðan af síður dystópía Birkir Ingibjartsson Skoðun