Nýr sparisjóðsstjóri í Hafnarfirði
Ný stjórn Sparisjóðs Hafnarfjarðar, sem komst til valda í síðustu viku, hefur þegar skipt um sparisjóðsstjóra. Björn Ingi Sveinsson, fyrrverandi borgarverkfræðingur, sem ráðinn var sparisjóðsstjóri síðastliðið haust hefur nú vikið fyrir Magnúsi Ægi Magnússyni sem starfað hefur hjá Sparisjóðnum í sjö ár. Þá greinir Morgunblaðið frá því að óvissa ríki um framtíð Ingimars Haraldssonar aðstoðarsparisjóðsstjóra en hann er nú sagður í þriggja vikna fríi.
