SH verður Icelandic Group

Samþykkt var á hluthafafundi Sölumiðstöðvar hraðfrystihúsanna sem haldinn var á Nordica hóteli síðdegis að breyta nafni félagsins í Icelandic Group. Þetta er fyrsti fundurinn sem haldinn er eftir samruna SH og Sjóvíkur en hluthafar Sjóvíkur eignast þriðjung í hinu sameinaða fyrirtæki. Kosin var ný fimm manna stjórn á hluthafafundinum og komu þrír nýir menn inn í stjórnina, þeir Jón Kristjánsson, sem verður stjórnarformaður, Þór Kristjánsson og Hreggviður Jónsson.