Vill ekkert staðfesta um Europris

"Það getur vel verið að það verði eigendaskipti í Europris en ég ætla ekki að staðfesta neitt að svo stöddu," segir Matthías Sigurðsson, meirihlutaeigandi Europris-verslananna. Fréttablaðið greindi frá því í gær að Matthías hyggist selja hlut sinn í fyrirtækinu og staðfestu meðeigendur hans, bræðurnir Lárus og Ottó Guðmundssynir, að tíðinda væri að vænta af eignarhaldi fyrirtækisins. Matthías verst að öðru leyti allra frétta. "Ég ætla að láta verkin tala og ræði við fjölmiðla þegar málin eru komin í skýrara ljós. Það verður væntanlega innan skamms."