Rallíleikir tilbúnir fyrir PSP

Codemasters hafa tilkynnt að Colin McRae Rally 2005 Plus og TOCA Race Driver 2 verði tilbúnir fyrir útgáfu á PSP vélinni frá Sony fyrsta september 2005. Leikirnir eru mjög heitir kappakstursleikir og því góð viðbót fyrir vélina. Báðir leikirnir munu bjóða uppá fjöldaspilun. Colin McRae mun innihalda fjöldaspilun fyrir 8 spilara en TOCA mun innihalda fjöldaspilun fyrir 12 spilara samtímis og má búast við að leikirnir muni seljast vel. Einnig verða skemmtilegir fídusar í leiknum eins og að senda “replay” eða “sýnishorn” á aðra PSP spilara. Leikirnir bjóða uppá margar keppnir í ýmsum löndum og hefur Codemasters tilkynnt að þeir muni nýta PSP tæknina til fullnustu til að bjóða uppá frábæra kappaksturs upplifun fyrir báða titlana.