Á verði gagnvart fuglaflensu 10. janúar 2006 00:01 Sífellt fleiri fréttir berast nú af útbreiðslu fuglaflensu, ekki aðeins í Suðaustur-Asíu, heldur líka í Tyrklandi sem er okkur mun nær, og við höfum töluvert samband við. Vegna sífellt fjölgandi tilfella í Tyrklandi brá Evrópusambandið á það ráð í gær, að banna innflutning á óhreinsuðu fiðri frá sex löndum sem liggja að landinu, en áður var búið að banna innflutning á kjúklingum og kjúklingaafurðum þaðan. Tyrkland er að mörgu leyti sérstakt land. Það er ekki aðeins að það sé á mörkum Evrópu og Asíu, heldur eru þar önnur trúarbrögð og siðir en í Vestur-Evrópu almennt. Þar, eins og víða annars staðar í suðrænum fátækum löndum, er fiðurfé stundum uppistaðan í litlum bústofni bændafólks í afskekktum héruðum, og hreinlæti og heilbrigðiseftirliti líka oft áfátt. Það skal því engan undra að fuglaflensan skuli stinga sér þarna niður, með þeim hætti sem hún hefur nú gert. Þegar svo grunur er um að fuglaflensan hafi líka komið upp í höfuðborginni Ankara, er von að menn taki við sér í Evrópusambandinu. Þetta gerist á sama tíma og yfirvöld í Tyrklandi leggja mikla áherslu á að komast í sambandið, en fuglaflensa þar í landi gæti haft áhrif á þau mál. Sum nágrannalönd Tyrkja hafa varað fólk við að fara þangað og önnur hafa tekið upp strangt eftirlit á landamærum með fólki og flutningabílum, enda mikið í húfi. Þótt enn hafi aðeins fá dauðsföll verið staðfest af völdum fuglaflensunnar í Tyrklandi, en grunur er um að fleiri hafi smitast, er það ákveðið áfall fyrir Tyrki. Þeir hafa verið að byggja upp landið sem ákjósanlegt ferðamannaland, þar sem ekki aðeins séu fallegar strendur og gott loftslag yfir ferðamannatímann, heldur ekki síður fallegt landslag og eftirtektarverð menning. Það er full ástæða til að yfirvöld hér á landi séu vel á verði gagnvart útbreiðslu fuglaflensunnar og að starfsmenn viðkomandi stofnana fylgist vel með þróun mála. Landlæknisembættið hefur ekki séð ástæðu til að mæla með takmörkun ferðalaga til landa þar sem fuglainflúensan -H5N1- hefur komið upp. Hins vegar er ferðamönnum sem eiga leið til viðkomandi landa ráðlagt að viðhafa ýmsar varúðarráðstafanir, svo sem að forðast að snerta lifandi hænsnfugla og villta fugla, fara ekki á fuglamarkaði og borða ekki ósoðið eða illa soðið fuglakjöt og egg. Þá er almennt hreinlæti brýnt fyrir fólki. Annað atriði sem snýr að okkur, er að í vor verði gerðar viðeigandi ráðstafanir til að fylgjast með farfuglum sem koma hingað til lands, því þeir eiga vetrarstöðvar í ótrúlega mörgum og fjarlægum löndum. Það má ekkert spara til að rannsóknastofnanir okkar, og vísindamenn þar, geti gert nauðsynlegar rannsóknir á farfuglum, þótt ekki væri nema til að eyða ótta manna um smit. Viltu birta grein á Vísi? Sendu okkur póst. Senda grein Kári Jónasson Skoðanir Mest lesið Háskólinn á Bifröst – Öflugur og sjálfstæður fjarnámsskóli Sólveig Hallsteinsdóttir Skoðun Það eru fleiri fiskar í sjónum og fleiri sjónarmið í hafstjórn Guðbjörg Ásta Ólafsdóttir Skoðun Skapandi menntun skilar raunverulegum árangri Bryngeir Valdimarsson Skoðun Sex ára sáttmáli Davíð Þorláksson Skoðun Heiðursgestur Viðreisnar vill heimsveldi Hjörtur J. Guðmundsson Skoðun Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir Skoðun Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir Skoðun Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun Framtíðarskipulag Keldnalands er ekki útópía – og þaðan af síður dystópía Birkir Ingibjartsson Skoðun Stjórnendur sem mega ekki stjórna Stefán Vagn Stefánsson Skoðun
Sífellt fleiri fréttir berast nú af útbreiðslu fuglaflensu, ekki aðeins í Suðaustur-Asíu, heldur líka í Tyrklandi sem er okkur mun nær, og við höfum töluvert samband við. Vegna sífellt fjölgandi tilfella í Tyrklandi brá Evrópusambandið á það ráð í gær, að banna innflutning á óhreinsuðu fiðri frá sex löndum sem liggja að landinu, en áður var búið að banna innflutning á kjúklingum og kjúklingaafurðum þaðan. Tyrkland er að mörgu leyti sérstakt land. Það er ekki aðeins að það sé á mörkum Evrópu og Asíu, heldur eru þar önnur trúarbrögð og siðir en í Vestur-Evrópu almennt. Þar, eins og víða annars staðar í suðrænum fátækum löndum, er fiðurfé stundum uppistaðan í litlum bústofni bændafólks í afskekktum héruðum, og hreinlæti og heilbrigðiseftirliti líka oft áfátt. Það skal því engan undra að fuglaflensan skuli stinga sér þarna niður, með þeim hætti sem hún hefur nú gert. Þegar svo grunur er um að fuglaflensan hafi líka komið upp í höfuðborginni Ankara, er von að menn taki við sér í Evrópusambandinu. Þetta gerist á sama tíma og yfirvöld í Tyrklandi leggja mikla áherslu á að komast í sambandið, en fuglaflensa þar í landi gæti haft áhrif á þau mál. Sum nágrannalönd Tyrkja hafa varað fólk við að fara þangað og önnur hafa tekið upp strangt eftirlit á landamærum með fólki og flutningabílum, enda mikið í húfi. Þótt enn hafi aðeins fá dauðsföll verið staðfest af völdum fuglaflensunnar í Tyrklandi, en grunur er um að fleiri hafi smitast, er það ákveðið áfall fyrir Tyrki. Þeir hafa verið að byggja upp landið sem ákjósanlegt ferðamannaland, þar sem ekki aðeins séu fallegar strendur og gott loftslag yfir ferðamannatímann, heldur ekki síður fallegt landslag og eftirtektarverð menning. Það er full ástæða til að yfirvöld hér á landi séu vel á verði gagnvart útbreiðslu fuglaflensunnar og að starfsmenn viðkomandi stofnana fylgist vel með þróun mála. Landlæknisembættið hefur ekki séð ástæðu til að mæla með takmörkun ferðalaga til landa þar sem fuglainflúensan -H5N1- hefur komið upp. Hins vegar er ferðamönnum sem eiga leið til viðkomandi landa ráðlagt að viðhafa ýmsar varúðarráðstafanir, svo sem að forðast að snerta lifandi hænsnfugla og villta fugla, fara ekki á fuglamarkaði og borða ekki ósoðið eða illa soðið fuglakjöt og egg. Þá er almennt hreinlæti brýnt fyrir fólki. Annað atriði sem snýr að okkur, er að í vor verði gerðar viðeigandi ráðstafanir til að fylgjast með farfuglum sem koma hingað til lands, því þeir eiga vetrarstöðvar í ótrúlega mörgum og fjarlægum löndum. Það má ekkert spara til að rannsóknastofnanir okkar, og vísindamenn þar, geti gert nauðsynlegar rannsóknir á farfuglum, þótt ekki væri nema til að eyða ótta manna um smit.
Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir Skoðun
Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir Skoðun
Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun
Framtíðarskipulag Keldnalands er ekki útópía – og þaðan af síður dystópía Birkir Ingibjartsson Skoðun
Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir Skoðun
Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir Skoðun
Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun
Framtíðarskipulag Keldnalands er ekki útópía – og þaðan af síður dystópía Birkir Ingibjartsson Skoðun