Kaupskipin verði áfram skráð hér 3. febrúar 2006 00:01 Kaupskipaútgerðin hér á landi er í harði samkeppni við erlend skipafélög bæði um flutninga til og frá landinu og ekki síður á alþjóðlegum markaði. Þetta hefur leitt til þess að skip í eigu íslensku félaganna hafa í síauknum mæli siglt undir fánum erlendra ríkja, svokölluðum hentifánum, en með því móti segja skipafélögin að rekstrargrundvöllurinn verði hagstæðari. Sífellt fleiri útlendingar frá láglaunalöndum hafa verið munstraðir á skipin í stað Íslendinga, þrátt fyrir öfluga baráttu sjómannasamtakanna gegn þessari þróun. Nú bendir allt til þess ekkert af skipum stóru skipafélaganna tveggja, Eimskips og Samskipa, verði skráð hér á landi, sem er slæm þróun í sögu sjóflutninga hér á landi. Það er ekkert nýtt að sjómenn frá láglaunalöndum séu áberandi á skipum í alþjóðasiglingum. Sumir þeirra hafa verið þar um borð á skammarlega lágum kjörum, og auðvitað aðallega verið þar í skítverkunum. Yfirmennirnir hafa hins vegar sprangað um í brúnni borðalagðir og notið lífsins í yfirmannamessanum. Þrátt fyrir öflug samtök flutningaverkamanna hefur gengið erfiðlega að snúa þessari þróun við, því alltaf öðru hverju hafa komið upp mál þar sem komið hefur í ljós að hásetar og lægra settir í áhöfnum hentifánaskipa búa við lakan kost. Sum nágrannalanda okkar hafa tekið þessi mál alvarlegum tökum og reynt eftir megni að leysa þau. Þetta virðist hafa tekist í Færeyjum og þá er von að spurt sé hvers vegna ekki sé hægt að leysa þetta mál á sama hátt hér. Eru það staðnaðir og stirðir embættismenn í ráðuneytum sem koma í veg fyrir að hægt sé að gera breytingar á lögum og reglum til að greiða fyrir þessu máli, eða vantar pólitískan vilja til þess? Við erum eyþjóð og eigum nær allt okkar undir sjóflutningum með helstu aðdrætti til landins. Þess vegna brennur þetta mál heitar á okkur en meginlandsþjóðum, sem eiga margra kosta völ við flutninga á helstu nauðsynjum fyrir íbúa landa sinna, að ekki sé minnst á flutninga á eldsneyti og hráefnum til iðnaðar og uppbyggingar. Guðmundur Hallvarðsson, þingmaður Sjálfstæðisflokks og til marga ára forystumaður sjómanna, hefur margoft bent á þetta mál, og nú síðast á Alþingi í vikunni. Samflokksmaður hans og ráðherra, Árni Mathiesen, hefur sagt að þessi mál hafi verið í athugun, en það er ekki nóg. Það verður að bregðast fljótt við svo kaupskipaflotinn verði ekki allur skráður erlendis. Það ætti að vera stolt okkar Íslendinga sem eyþjóðar að kaupskipafloti okkar sé skráður hér og í því ætti að felast visst öryggi fyrir land og þjóð komi upp sú staða að truflanir verði á siglingum til og frá landinu. Íslenska fánann í skut hvers kaupskips! Viltu birta grein á Vísi? Sendu okkur póst. Senda grein Kári Jónasson Skoðanir Mest lesið Háskólinn á Bifröst – Öflugur og sjálfstæður fjarnámsskóli Sólveig Hallsteinsdóttir Skoðun Það eru fleiri fiskar í sjónum og fleiri sjónarmið í hafstjórn Guðbjörg Ásta Ólafsdóttir Skoðun Skapandi menntun skilar raunverulegum árangri Bryngeir Valdimarsson Skoðun Sex ára sáttmáli Davíð Þorláksson Skoðun Heiðursgestur Viðreisnar vill heimsveldi Hjörtur J. Guðmundsson Skoðun Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir Skoðun Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir Skoðun Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun Framtíðarskipulag Keldnalands er ekki útópía – og þaðan af síður dystópía Birkir Ingibjartsson Skoðun Styrkjum stöðu leigjenda Kristján Þórður Snæbjarnarson Skoðun
Kaupskipaútgerðin hér á landi er í harði samkeppni við erlend skipafélög bæði um flutninga til og frá landinu og ekki síður á alþjóðlegum markaði. Þetta hefur leitt til þess að skip í eigu íslensku félaganna hafa í síauknum mæli siglt undir fánum erlendra ríkja, svokölluðum hentifánum, en með því móti segja skipafélögin að rekstrargrundvöllurinn verði hagstæðari. Sífellt fleiri útlendingar frá láglaunalöndum hafa verið munstraðir á skipin í stað Íslendinga, þrátt fyrir öfluga baráttu sjómannasamtakanna gegn þessari þróun. Nú bendir allt til þess ekkert af skipum stóru skipafélaganna tveggja, Eimskips og Samskipa, verði skráð hér á landi, sem er slæm þróun í sögu sjóflutninga hér á landi. Það er ekkert nýtt að sjómenn frá láglaunalöndum séu áberandi á skipum í alþjóðasiglingum. Sumir þeirra hafa verið þar um borð á skammarlega lágum kjörum, og auðvitað aðallega verið þar í skítverkunum. Yfirmennirnir hafa hins vegar sprangað um í brúnni borðalagðir og notið lífsins í yfirmannamessanum. Þrátt fyrir öflug samtök flutningaverkamanna hefur gengið erfiðlega að snúa þessari þróun við, því alltaf öðru hverju hafa komið upp mál þar sem komið hefur í ljós að hásetar og lægra settir í áhöfnum hentifánaskipa búa við lakan kost. Sum nágrannalanda okkar hafa tekið þessi mál alvarlegum tökum og reynt eftir megni að leysa þau. Þetta virðist hafa tekist í Færeyjum og þá er von að spurt sé hvers vegna ekki sé hægt að leysa þetta mál á sama hátt hér. Eru það staðnaðir og stirðir embættismenn í ráðuneytum sem koma í veg fyrir að hægt sé að gera breytingar á lögum og reglum til að greiða fyrir þessu máli, eða vantar pólitískan vilja til þess? Við erum eyþjóð og eigum nær allt okkar undir sjóflutningum með helstu aðdrætti til landins. Þess vegna brennur þetta mál heitar á okkur en meginlandsþjóðum, sem eiga margra kosta völ við flutninga á helstu nauðsynjum fyrir íbúa landa sinna, að ekki sé minnst á flutninga á eldsneyti og hráefnum til iðnaðar og uppbyggingar. Guðmundur Hallvarðsson, þingmaður Sjálfstæðisflokks og til marga ára forystumaður sjómanna, hefur margoft bent á þetta mál, og nú síðast á Alþingi í vikunni. Samflokksmaður hans og ráðherra, Árni Mathiesen, hefur sagt að þessi mál hafi verið í athugun, en það er ekki nóg. Það verður að bregðast fljótt við svo kaupskipaflotinn verði ekki allur skráður erlendis. Það ætti að vera stolt okkar Íslendinga sem eyþjóðar að kaupskipafloti okkar sé skráður hér og í því ætti að felast visst öryggi fyrir land og þjóð komi upp sú staða að truflanir verði á siglingum til og frá landinu. Íslenska fánann í skut hvers kaupskips!
Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir Skoðun
Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir Skoðun
Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun
Framtíðarskipulag Keldnalands er ekki útópía – og þaðan af síður dystópía Birkir Ingibjartsson Skoðun
Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir Skoðun
Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir Skoðun
Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun
Framtíðarskipulag Keldnalands er ekki útópía – og þaðan af síður dystópía Birkir Ingibjartsson Skoðun