Björk velgjörðarsendiherra 6. febrúar 2006 00:21 Frásögn Bjarkar Guðmundsdóttur söngkonu í Fréttablaðinu á laugardag af heimsókn hennar til Súmötru í Indónesíu rúmu ári eftir flóðbylgjuna miklu, rifjar enn og aftur á átakanlegan hátt upp þær hörmungar sem urðu þar á öðrum degi jóla árið 2004. Björk fór fyrir stuttu til Súmötru á vegum UNICEF - Barnahjálpar Sameinuðu þjóðanna og vildi þar með leggja börnum og öðrum á svæðinu lið í baráttunni fyrir endurreisn og betra lífi eftir eyðilegginguna sem varð í kjölfar flóðsins, þar sem mikill fjöldi manna lét lífið sem kunnugt er. Með ferð sinni til flóðasvæðanna í Indónesíu er Björk komin í hóp svokallaðara velgjörðarsendiherra sem með heimsóknum sínum til ýmissa staða vekja athygli á neyðarástandi víða um heim. Af mörgu er að taka í þeim efnum, og viðfangsefnin margvísleg. Björk Guðmundsdóttir lýsir aðkomu sinni að þessu verkefni á eftirfarandi hátt í viðtali við Fréttablaðið: "Ég ákvað einhvern tíma að í stað þess að gera marga litla hluti myndi ég gera eitthvað eitt stórt og fylgja því eftir. Alveg frá trýninu á skepnunni og út í hala. Eða allavega reyna það." sagði söngkonan víðfræga á sinn hátt. Um langt árabil hefur verið falast eftir liðsinni hennar við góðgerðarstarf af ýmsu tagi og nú lét hún loks tilleiðast. Aðdáendur hennar sendu henni sína útgáfu af tónlist hennar og hún valdi svo lög á sérstaka plötu sem hún gaf út í samvinnu við UNICEF. Nú þegar hafa safnast um 30 milljónir króna vegna útgáfu plötunnar, og ferðin til Indónesíu var farin til þess að sjá hvernig þeim peningum hefði verið varið. Þar eru næg verkefni og mikil þörf fyrir fjármagn til endurreisnarstarfs. Það er ánægjulegt til þess að vita að Björk Guðmundsdóttir skuli nú vera komin í hóp velgjörðarsendiherra. Því fylgir bæði mikill heiður og ábyrgð. Velgjöðarsendiherrar geta með afskiptum sínum af góðgerðarmálum haft mikil áhrif. Þeir vekja athygli á neyð ýmissa hópa sem eiga um sárt að binda af völdum náttúruhamfara eða af öðrum orsökum og koma þá fram í nafni viðurkenndra góðgerðar- eða alþjóðasamtaka eins og Barnahjálpar Sameinuðu þjóðanna í þessu tilviki. Barnahjálpin hefur veitt börnum á Súmötru ýmiskonar aðstoð og hjálp eftir flóðin miklu. Má þar nefna bólusetningu gegn mislingum, skordýravarnir og aðgang að hreinu vatni. Þá hafa samtökin veitt tugum þúsunda áfallahjálp og reynt að byggja einstaklingana upp fyrir betra líf. Síðast en ekki síst hafa samtökin reist skóla og dreift skólagögnum til meira en átta hundruð þúsund barna, hvorki meira né minna. Framundan er mikið uppbyggingarstarf á þessum slóðum . Þar þarf bæði að huga að veraldlegri uppbyggingu og ekki síður að hlúa að mannsálinni, sem er langt því frá búin að jafna sig eftir ósköpin sem yfir dundu. Viltu birta grein á Vísi? Sendu okkur póst. Senda grein Kári Jónasson Skoðanir Mest lesið Flokkur fólksins eða flokkun fólksins? Halldóra Lillý Jóhannsdóttir Skoðun Íslendingar flytja út fisk og líka ofbeldismenn Guðný S. Bjarnadóttir Skoðun Hver ætlar að bera ábyrgð á mannslífi? Sævar Þór Jónsson Skoðun Betri nýting á tíma og fjármunum Reykjavíkurborgar 2/3 Magnea Gná Jóhannsdóttir Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun Lægjum öldurnar Halla Hrund Logadóttir Skoðun Horfumst í augu Kristín Thoroddsen Skoðun Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun Er aldur bara tala? Teitur Guðmundsson Skoðun Saga Israa á Gaza og hvernig hægt er að verða að liði Katrín Harðardóttir,Israa Saed Skoðun
Frásögn Bjarkar Guðmundsdóttur söngkonu í Fréttablaðinu á laugardag af heimsókn hennar til Súmötru í Indónesíu rúmu ári eftir flóðbylgjuna miklu, rifjar enn og aftur á átakanlegan hátt upp þær hörmungar sem urðu þar á öðrum degi jóla árið 2004. Björk fór fyrir stuttu til Súmötru á vegum UNICEF - Barnahjálpar Sameinuðu þjóðanna og vildi þar með leggja börnum og öðrum á svæðinu lið í baráttunni fyrir endurreisn og betra lífi eftir eyðilegginguna sem varð í kjölfar flóðsins, þar sem mikill fjöldi manna lét lífið sem kunnugt er. Með ferð sinni til flóðasvæðanna í Indónesíu er Björk komin í hóp svokallaðara velgjörðarsendiherra sem með heimsóknum sínum til ýmissa staða vekja athygli á neyðarástandi víða um heim. Af mörgu er að taka í þeim efnum, og viðfangsefnin margvísleg. Björk Guðmundsdóttir lýsir aðkomu sinni að þessu verkefni á eftirfarandi hátt í viðtali við Fréttablaðið: "Ég ákvað einhvern tíma að í stað þess að gera marga litla hluti myndi ég gera eitthvað eitt stórt og fylgja því eftir. Alveg frá trýninu á skepnunni og út í hala. Eða allavega reyna það." sagði söngkonan víðfræga á sinn hátt. Um langt árabil hefur verið falast eftir liðsinni hennar við góðgerðarstarf af ýmsu tagi og nú lét hún loks tilleiðast. Aðdáendur hennar sendu henni sína útgáfu af tónlist hennar og hún valdi svo lög á sérstaka plötu sem hún gaf út í samvinnu við UNICEF. Nú þegar hafa safnast um 30 milljónir króna vegna útgáfu plötunnar, og ferðin til Indónesíu var farin til þess að sjá hvernig þeim peningum hefði verið varið. Þar eru næg verkefni og mikil þörf fyrir fjármagn til endurreisnarstarfs. Það er ánægjulegt til þess að vita að Björk Guðmundsdóttir skuli nú vera komin í hóp velgjörðarsendiherra. Því fylgir bæði mikill heiður og ábyrgð. Velgjöðarsendiherrar geta með afskiptum sínum af góðgerðarmálum haft mikil áhrif. Þeir vekja athygli á neyð ýmissa hópa sem eiga um sárt að binda af völdum náttúruhamfara eða af öðrum orsökum og koma þá fram í nafni viðurkenndra góðgerðar- eða alþjóðasamtaka eins og Barnahjálpar Sameinuðu þjóðanna í þessu tilviki. Barnahjálpin hefur veitt börnum á Súmötru ýmiskonar aðstoð og hjálp eftir flóðin miklu. Má þar nefna bólusetningu gegn mislingum, skordýravarnir og aðgang að hreinu vatni. Þá hafa samtökin veitt tugum þúsunda áfallahjálp og reynt að byggja einstaklingana upp fyrir betra líf. Síðast en ekki síst hafa samtökin reist skóla og dreift skólagögnum til meira en átta hundruð þúsund barna, hvorki meira né minna. Framundan er mikið uppbyggingarstarf á þessum slóðum . Þar þarf bæði að huga að veraldlegri uppbyggingu og ekki síður að hlúa að mannsálinni, sem er langt því frá búin að jafna sig eftir ósköpin sem yfir dundu.
30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun
Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun
30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun
Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun