Líf Jacks Bauer 19. mars 2006 14:29 24 The Game Vélbúnaður: Playstation 2 @TónlistUmfjöllun Niðurstaða:Niðurstaða: Sannkölluð 24 upplifun sem hægt er að mæla með fyrir aðdáendur þáttanna. Sjónvarpsþættirnir um Jack Bauer og félaga hjá CTU hafa notið gríðarlegra vinsælda undanfarin ár þannig að það hlaut að koma að því að Sony Computer gerði tölvuleik byggðan á þáttunum. Hér hefur ekkert verið sparað; allir aðalleikarar þáttanna ljá leiknum andlit sín og raddir, höfundar þáttanna skrifa handritið að leiknum og tónlist og hljóð eru þau sömu og notuð eru í sjónvarpinu. Leikurinn sjálfur er svo blanda af skotleik, bílaleik og míníleikjum, en allt þetta ásamt pottþéttum söguþræði skilar sér í þéttum og skemmtilegum leik. Hryðjuverkamenn, mannrán, óvæntar fléttur í sögunni, tifandi klukka og allt annað gera þennan leik að sannri 24-upplifun. Leikurinn á sér stað á milli annarrar og þriðju þáttaraðarinnar og svarar mörgum spurningum um persónur og atburði. Leikmenn fá að stýra Jack Bauer, Kim Bauer, Tony Almeida, Michelle Dressler og fleiri starfsmönnum CTU. Leikmenn geta handleikið hin ýmsu vopn, en þar á meðal eru leyniskytturifflar, haglabyssur, skammbyssur og vélbyssur. Þar að auki taka leikmenn þátt í æsispennandi bílaeltingaleikjum þar sem keyrt er um Los Angeles þvera og endilanga. Míníleikirnir ganga svo út á að yfirheyra illmenni með aðferðum sem Jack Bauer er þekktur fyrir, aftengja sprengjur, opna lása og margt fleira. Ef leikurinn fjallaði bara um Jóa á bolnum, en ekki Jack Bauer og félaga, væri hann aðeins í góðu meðallagi, en það er 24-stemningin sem gerir leikinn að toppleik sem óhætt er að mæla með. Ólafur Þór Jóelsson Leikjavísir Menning Mest lesið Heitasta listapar landsins á djamminu Lífið „Nú dýrka ég að vera vaxin eins og fæðing Venusar“ Tíska og hönnun Gerðið verði besti staðurinn nálægt borginni til að skoða stjörnur Lífið Sveinn Andri og María Sigrún mættu á frumsýninguna Lífið Furðuleg forréttindablinda Gagnrýni Björgvin Franz kaupir 36 fermetra íbúð í miðbænum Lífið Stjörnulífið: „Bið ekki um meira“ Lífið Innlit: „Ég bý í draumahúsinu“ Lífið „Sextán ára stelpa hefur lítið að gera við svona háa upphæð“ Lífið Tilnefningar fyrir árið 2024 birtar Bíó og sjónvarp Fleiri fréttir Battlefield 6: Gamli góði Battlefield er snúinn aftur Ghost of Yōtei: Einhver heimsins fallegasti leikur og skemmtilegur líka Borderlands 4: Læti og óreiða par excellence Prófaðu EVE Vanguard áður en hann kemur út Metal Gear Solid Delta: Snake Eater - Einn besti leikur PS2 öðlast nýtt líf Sjá meira
Sjónvarpsþættirnir um Jack Bauer og félaga hjá CTU hafa notið gríðarlegra vinsælda undanfarin ár þannig að það hlaut að koma að því að Sony Computer gerði tölvuleik byggðan á þáttunum. Hér hefur ekkert verið sparað; allir aðalleikarar þáttanna ljá leiknum andlit sín og raddir, höfundar þáttanna skrifa handritið að leiknum og tónlist og hljóð eru þau sömu og notuð eru í sjónvarpinu. Leikurinn sjálfur er svo blanda af skotleik, bílaleik og míníleikjum, en allt þetta ásamt pottþéttum söguþræði skilar sér í þéttum og skemmtilegum leik. Hryðjuverkamenn, mannrán, óvæntar fléttur í sögunni, tifandi klukka og allt annað gera þennan leik að sannri 24-upplifun. Leikurinn á sér stað á milli annarrar og þriðju þáttaraðarinnar og svarar mörgum spurningum um persónur og atburði. Leikmenn fá að stýra Jack Bauer, Kim Bauer, Tony Almeida, Michelle Dressler og fleiri starfsmönnum CTU. Leikmenn geta handleikið hin ýmsu vopn, en þar á meðal eru leyniskytturifflar, haglabyssur, skammbyssur og vélbyssur. Þar að auki taka leikmenn þátt í æsispennandi bílaeltingaleikjum þar sem keyrt er um Los Angeles þvera og endilanga. Míníleikirnir ganga svo út á að yfirheyra illmenni með aðferðum sem Jack Bauer er þekktur fyrir, aftengja sprengjur, opna lása og margt fleira. Ef leikurinn fjallaði bara um Jóa á bolnum, en ekki Jack Bauer og félaga, væri hann aðeins í góðu meðallagi, en það er 24-stemningin sem gerir leikinn að toppleik sem óhætt er að mæla með. Ólafur Þór Jóelsson
Leikjavísir Menning Mest lesið Heitasta listapar landsins á djamminu Lífið „Nú dýrka ég að vera vaxin eins og fæðing Venusar“ Tíska og hönnun Gerðið verði besti staðurinn nálægt borginni til að skoða stjörnur Lífið Sveinn Andri og María Sigrún mættu á frumsýninguna Lífið Furðuleg forréttindablinda Gagnrýni Björgvin Franz kaupir 36 fermetra íbúð í miðbænum Lífið Stjörnulífið: „Bið ekki um meira“ Lífið Innlit: „Ég bý í draumahúsinu“ Lífið „Sextán ára stelpa hefur lítið að gera við svona háa upphæð“ Lífið Tilnefningar fyrir árið 2024 birtar Bíó og sjónvarp Fleiri fréttir Battlefield 6: Gamli góði Battlefield er snúinn aftur Ghost of Yōtei: Einhver heimsins fallegasti leikur og skemmtilegur líka Borderlands 4: Læti og óreiða par excellence Prófaðu EVE Vanguard áður en hann kemur út Metal Gear Solid Delta: Snake Eater - Einn besti leikur PS2 öðlast nýtt líf Sjá meira