Menn eru svona og svona 29. desember 2006 14:00 Einar Kárason Í kvöld verður fyrsti flutningur á Landnámssetrinu í Borgarnesi á dagskrá – söngatriði með spjalli eða eintali með innskotum og tónlist – þar sem KK og Einar Kárason rifja upp feril þess fyrrnefnda. Þar byggja þeir á samstarfi sínu fyrir nokkrum misserum þegar Einar skráði sögu KK, Þangað sem vindurinn blæs. Landnámssetrið varð til í Borgarnesi að frumkvæði Kjartans Ragnarssonar, leikstjóra og leikritaskálds, og Sigríðar Margrétar Guðmundsdóttur, leikstjóra og fréttakonu. Þar hafa þegar verið settar upp nokkrar sýningar, en tilgangurinn með setrinu er að segja sögu landnáms hér á landi með sýningahaldi og lifandi sagnahefð íslenskra fornbókmennta. Saga KK er með vissum hætti ný Íslendingasaga: Einar segist hafa dregið fjölskyldusögu hans og þeirra systkina aðallega upp úr bróður hans og hún sé miklu lengri í bókinni en hún verður þennan klukkutíma sem Einar stendur fyrir í Setrinu. Um annan klukkutíma til sér KK, en þar bætir í sögu Einars að nú heyra menn tóndæmi, lög og stef úr þroskasögu KK. Sagan hefst þegar foreldra KK taka sig upp og flytja til Ameríku 1956 og henni lýkur tveimur áratugum síðar þegar KK snýr heim. Þeir sem kunnugir eru hinni makalausu skráningu Einars á þessari örlagasögu þurfa ekki að lesa meir, hinir sem ekki þekkja söguna geta kynnt sér hana af verki þeirra félaga, Þangað sem vindurinn blæs, eða skundað í Borgarnes og heyrt stuttu gerðina í flutningi þeirra félaga. Landnámssetrið er í tveimur samtengdum gömlum húsum í Borgarnesi, Pakkhúsinu sem er frá aldamótunum 1900 sem var geymsla fyrir verslun Jóns á Akri, og Búðarkletti sem var verslunarhús Jóns. Þar eru veitingasalir. Í tengslum við veitingareksturinn og sýningarsali um landnám Skallagríms er aðstaða til minni leiksýninga: þar sýndi Benedikt Erlingsson Egils sögu sína fyrir fullu húsi fram eftir hausti og er væntanlegur aftur að vori, en þangað til munu sagnamenn af guðs náð, KK og Einar Kárason, verma beð og hjörtu með list sinni. KK Kristján Kristjánsson, söngvari og tónlistarmaður. . Mest lesið Sjóðheitar og einhleypar inn í haustið Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið Janet Jackson biðst afsökunar á undarlegum ummælum Lífið Stjörnulífið: „Set jólatréð upp í október eftir þetta ár“ Lífið Ísland með auga fuglsins Lífið Borðar það sem alltaf hefur verið til og léttist og léttist Lífið Ein lausn er að liggja hlið við hlið og fróa sér Lífið Aldrei litið betur út þrátt fyrir alvarlegt slys Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Í kvöld verður fyrsti flutningur á Landnámssetrinu í Borgarnesi á dagskrá – söngatriði með spjalli eða eintali með innskotum og tónlist – þar sem KK og Einar Kárason rifja upp feril þess fyrrnefnda. Þar byggja þeir á samstarfi sínu fyrir nokkrum misserum þegar Einar skráði sögu KK, Þangað sem vindurinn blæs. Landnámssetrið varð til í Borgarnesi að frumkvæði Kjartans Ragnarssonar, leikstjóra og leikritaskálds, og Sigríðar Margrétar Guðmundsdóttur, leikstjóra og fréttakonu. Þar hafa þegar verið settar upp nokkrar sýningar, en tilgangurinn með setrinu er að segja sögu landnáms hér á landi með sýningahaldi og lifandi sagnahefð íslenskra fornbókmennta. Saga KK er með vissum hætti ný Íslendingasaga: Einar segist hafa dregið fjölskyldusögu hans og þeirra systkina aðallega upp úr bróður hans og hún sé miklu lengri í bókinni en hún verður þennan klukkutíma sem Einar stendur fyrir í Setrinu. Um annan klukkutíma til sér KK, en þar bætir í sögu Einars að nú heyra menn tóndæmi, lög og stef úr þroskasögu KK. Sagan hefst þegar foreldra KK taka sig upp og flytja til Ameríku 1956 og henni lýkur tveimur áratugum síðar þegar KK snýr heim. Þeir sem kunnugir eru hinni makalausu skráningu Einars á þessari örlagasögu þurfa ekki að lesa meir, hinir sem ekki þekkja söguna geta kynnt sér hana af verki þeirra félaga, Þangað sem vindurinn blæs, eða skundað í Borgarnes og heyrt stuttu gerðina í flutningi þeirra félaga. Landnámssetrið er í tveimur samtengdum gömlum húsum í Borgarnesi, Pakkhúsinu sem er frá aldamótunum 1900 sem var geymsla fyrir verslun Jóns á Akri, og Búðarkletti sem var verslunarhús Jóns. Þar eru veitingasalir. Í tengslum við veitingareksturinn og sýningarsali um landnám Skallagríms er aðstaða til minni leiksýninga: þar sýndi Benedikt Erlingsson Egils sögu sína fyrir fullu húsi fram eftir hausti og er væntanlegur aftur að vori, en þangað til munu sagnamenn af guðs náð, KK og Einar Kárason, verma beð og hjörtu með list sinni. KK Kristján Kristjánsson, söngvari og tónlistarmaður. .
Mest lesið Sjóðheitar og einhleypar inn í haustið Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið Janet Jackson biðst afsökunar á undarlegum ummælum Lífið Stjörnulífið: „Set jólatréð upp í október eftir þetta ár“ Lífið Ísland með auga fuglsins Lífið Borðar það sem alltaf hefur verið til og léttist og léttist Lífið Ein lausn er að liggja hlið við hlið og fróa sér Lífið Aldrei litið betur út þrátt fyrir alvarlegt slys Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira