Gengi krónunnar hækkaði nokkuð eftir 0,75 prósenta stýrivaxtahækkun Seðlabankans í morgun. Gengið hækkaði um rúmt prósent skömmu eftir hækkun bankans en hefur sveiflast nokkuð og styrktist um rúm 1,8 prósent þegar mest lét.
Gengi hlutabréfa í kauphöllinni hafa lækkað í kjölfar stýrivaxtahækkunarinnar. Mest var lækkunin í KB banka og FL Group um klukkan 11:45 í morgun en gengi bréfa í fyrirtækjunum lækkaði um rúm 4 prósent.
