Góð afkoma hjá Atorku Group

Fjárfestingafélagið Atorka Group skilaði rúmlega 555 milljóna króna hagnaði á þriðja fjórðungi ársins samanborið við 224 milljóna króna hagnað á sama tíma í fyrra.  Félagið skilar uppgjöri sínu í tvennu lagi: Uppgjöri móðurfélags og samtæðu Atorku Group.

Í móðurfélagsreikningi eru allar fjárfestingar, m.a.  fjárfestingar í dótturfélögum metnar á gangvirði en í samstæðureikningi er beitt hlutdeildaraðferð og samstæðureikningsskilum þar sem rekstrarleg afkoma hvers og eins dótturfélags ásamt afkomu móðurfélags, án gangvirðismat á dótturfélögum, er lögð saman og myndar afkomu tímabilsins.

Þannig nam hagnaður móðurfélagsins rétt rúmum 555 milljónum króna en samstæðunnar 32,2 milljónum króna.

Þá nam  arðsemi eigin fjár móðurfélagsins á fyrstu níu mánuðum ársins um 62% á ársgrundvelli og var eiginfjárhlutfall þess 49,6% á tímabilinu. Eiginfjárhlutfall samstæðunnar nam í lok september 24,1 prósenti.

Magnús Jónsson, forstjóri Atorku, segir afkomuna góða. „Fyrirtækjaverkefni félagsins ganga vel og eignasafnið býður uppá margvísleg tækifæri. Gangi kaupin á Polimoon eftir munu þau gera Promens að einu stærsta plastfyrirtæki í Evrópu með um 60 milljarða veltu og 6000 starfsmenn. Vinna við aukningu umsvifa Jarðborana erlendis gengur einnig ágætlega og þar liggja áhugaverð tækifæri til vaxtar,“ segir hann.

<a href="http://news.icex.is/newsservice/MMIcexNSWeb.dll/newspagepf?language=is&pagetype=&primarylanguagecode=is&newsnumber=36045">Tilkynning Atorku Group</a>