Færumst nær og nær ESB 10. febrúar 2007 06:00 Innan tíðar skilar Evrópunefnd ríkisstjórnarinnar væntanlega af sér. Hún er skipuð fulltrúum þeirra flokka sem nú eiga setu á Alþingi og hefur starfað frá því um mitt ár 2004, undir forystu dómsmálaráðherra. Meðal helstu hlutverka nefndarinnar í upphafi var að kanna framkvæmd EES-samningsins og hvort og þá hvers konar undanþágur séu veittar í aðildarsamningum að Evrópusambandinu. Einnig að kanna kosti og galla evrunnar fyrir okkur. Frá því að nefndin hóf störf hafa orðið töluverðar breytingar á Evrópusambandinu, það hefur stækkað og þróast, en því hefur þó ekki tekist að koma sér saman um nýja stjórnarskrá, þrátt fyrir mikla vinnu í þeim efnum. Hér á landi hafa líka orðið töluverðar breytingar á efnahags-og viðskiptaumhverfinu, ekki síst nú síðustu vikurnar varðandi evruna. Stöðugt fleiri stórfyrirtæki hér tilkynna um fyrirætlanir um að gera upp í evrum og einnig að skrá hlutafé í Kauphöllinni í evrum. Þannig erum við Íslendingar stöðugt að færast nær og nær Evrópusambandinu á viðskiptasviðinu, og það styttist alltaf í stóra stökkið. Formaður Viðskiptaráðs gerði evruna að sérstöku umræðuefni á Viðskiptaþingi í vikunni. Hann vitnaði þar í sérfræðinganefnd ráðsins um krónuna frá því á síðasta ári og sagði að ekki yrði unað við núverandi ástand varðandi efnahagsmál og evru og að stöðugt fleiri fyrirtæki hölluðu sér að evrunni. „Ef ætlunin er að taka upp evru er líklega heppilegast að gera það samfara inngöngu í Evrópusambandið," sagði stjórnarformaðurinn, en minnti svo á nokkra ókosti þess fyrir fyrirtæki hér að Íslendingar gengju í sambandið. Á öðrum vettvangi var svo í vikunni rætt um helsta ásteytingarstein þess að Íslendingar gangi í Evrópusambandið, en það er sjávarútvegsstefna þess. Fulltrúi Evrópusambandsins lagði sig í líma við að fullvissa viðstadda um að við hefðum full yfirráð yfir veiðiheimilum innan 200 mílna markanna hér við land þótt við gengjum í Evrópusambandið, þrátt fyrir að heildarfiskveiðikvóti sambandsins væri ákveðinn í Brussel. Það væri á valdi íslenskra stjórnvalda að heimila erlendum veiðiskipum veiðar innan okkar fiskveiðilögsögu. Ekki skal dregið í efa að fulltrúinn hefur sagt satt og rétt frá núgildandi sjávarútvegsreglum ESB, en þeim er líka alltaf hægt að breyta. Endanleg svör við spurningunum um áhrif evrunnar á íslenskt efnahagslíf og hvernig íslenskum sjávarútvegi og fiskiðnaði myndi reiða af, ef við gengjum í sambandið, fæst ekki nema með því að láta reyna á þessi mál og mörg önnur í aðildarviðræðum. Það er því mjög mikilvægt að við Íslendingar undirbúum okkur vel fyrir slíkar viðræður til þess að vera tilbúnir þegar þar að kemur. Eins og nú horfir virðist sem íslenskt viðskiptalíf sé meira og meira að halla sér að evrunni, og þá er það spurningin hvort hin pólitísku öfl séu ekki að missa stjórn á þróuninni og við lendum þá einhvernveginn sjálfkrafa inn í Evrópusambandið. Viltu birta grein á Vísi? Sendu okkur póst. Senda grein Kári Jónasson Mest lesið Háskólinn á Bifröst – Öflugur og sjálfstæður fjarnámsskóli Sólveig Hallsteinsdóttir Skoðun Það eru fleiri fiskar í sjónum og fleiri sjónarmið í hafstjórn Guðbjörg Ásta Ólafsdóttir Skoðun Skapandi menntun skilar raunverulegum árangri Bryngeir Valdimarsson Skoðun Sex ára sáttmáli Davíð Þorláksson Skoðun Heiðursgestur Viðreisnar vill heimsveldi Hjörtur J. Guðmundsson Skoðun Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir Skoðun Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir Skoðun Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun Framtíðarskipulag Keldnalands er ekki útópía – og þaðan af síður dystópía Birkir Ingibjartsson Skoðun Styrkjum stöðu leigjenda Kristján Þórður Snæbjarnarson Skoðun
Innan tíðar skilar Evrópunefnd ríkisstjórnarinnar væntanlega af sér. Hún er skipuð fulltrúum þeirra flokka sem nú eiga setu á Alþingi og hefur starfað frá því um mitt ár 2004, undir forystu dómsmálaráðherra. Meðal helstu hlutverka nefndarinnar í upphafi var að kanna framkvæmd EES-samningsins og hvort og þá hvers konar undanþágur séu veittar í aðildarsamningum að Evrópusambandinu. Einnig að kanna kosti og galla evrunnar fyrir okkur. Frá því að nefndin hóf störf hafa orðið töluverðar breytingar á Evrópusambandinu, það hefur stækkað og þróast, en því hefur þó ekki tekist að koma sér saman um nýja stjórnarskrá, þrátt fyrir mikla vinnu í þeim efnum. Hér á landi hafa líka orðið töluverðar breytingar á efnahags-og viðskiptaumhverfinu, ekki síst nú síðustu vikurnar varðandi evruna. Stöðugt fleiri stórfyrirtæki hér tilkynna um fyrirætlanir um að gera upp í evrum og einnig að skrá hlutafé í Kauphöllinni í evrum. Þannig erum við Íslendingar stöðugt að færast nær og nær Evrópusambandinu á viðskiptasviðinu, og það styttist alltaf í stóra stökkið. Formaður Viðskiptaráðs gerði evruna að sérstöku umræðuefni á Viðskiptaþingi í vikunni. Hann vitnaði þar í sérfræðinganefnd ráðsins um krónuna frá því á síðasta ári og sagði að ekki yrði unað við núverandi ástand varðandi efnahagsmál og evru og að stöðugt fleiri fyrirtæki hölluðu sér að evrunni. „Ef ætlunin er að taka upp evru er líklega heppilegast að gera það samfara inngöngu í Evrópusambandið," sagði stjórnarformaðurinn, en minnti svo á nokkra ókosti þess fyrir fyrirtæki hér að Íslendingar gengju í sambandið. Á öðrum vettvangi var svo í vikunni rætt um helsta ásteytingarstein þess að Íslendingar gangi í Evrópusambandið, en það er sjávarútvegsstefna þess. Fulltrúi Evrópusambandsins lagði sig í líma við að fullvissa viðstadda um að við hefðum full yfirráð yfir veiðiheimilum innan 200 mílna markanna hér við land þótt við gengjum í Evrópusambandið, þrátt fyrir að heildarfiskveiðikvóti sambandsins væri ákveðinn í Brussel. Það væri á valdi íslenskra stjórnvalda að heimila erlendum veiðiskipum veiðar innan okkar fiskveiðilögsögu. Ekki skal dregið í efa að fulltrúinn hefur sagt satt og rétt frá núgildandi sjávarútvegsreglum ESB, en þeim er líka alltaf hægt að breyta. Endanleg svör við spurningunum um áhrif evrunnar á íslenskt efnahagslíf og hvernig íslenskum sjávarútvegi og fiskiðnaði myndi reiða af, ef við gengjum í sambandið, fæst ekki nema með því að láta reyna á þessi mál og mörg önnur í aðildarviðræðum. Það er því mjög mikilvægt að við Íslendingar undirbúum okkur vel fyrir slíkar viðræður til þess að vera tilbúnir þegar þar að kemur. Eins og nú horfir virðist sem íslenskt viðskiptalíf sé meira og meira að halla sér að evrunni, og þá er það spurningin hvort hin pólitísku öfl séu ekki að missa stjórn á þróuninni og við lendum þá einhvernveginn sjálfkrafa inn í Evrópusambandið.
Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir Skoðun
Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir Skoðun
Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun
Framtíðarskipulag Keldnalands er ekki útópía – og þaðan af síður dystópía Birkir Ingibjartsson Skoðun
Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir Skoðun
Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir Skoðun
Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun
Framtíðarskipulag Keldnalands er ekki útópía – og þaðan af síður dystópía Birkir Ingibjartsson Skoðun