Hannibal Rising - ein stjarna 26. febrúar 2007 08:45 Niðurstaða: Ulliel er vonlaus í hlutverki mannætunnar, sagan er hrútleiðinleg, rislítil og laus við hrylling og grefur undan því sem síðar kemur. Rétt eins og Hannibal Lecter gerir við fórnarlömb sín, smjattar rithöfundurinn Thomas Harris á frægustu mannætu síns tíma. Hannibal Rising er fimmta myndin um Lecter (tvær byggja reyndar á sömu bók) og í þetta sinn er ljósinu brugðið á uppvaxtarár Hannibals og leitað skýringa á annarlegum matarsmekk hans. Upp úr dúrnum kemur að Hannibal ólst upp á óðalssetri í Litháen þar sem hann missir foreldra sína í lok seinni heimsstyrjaldar. Þau systir hans eru tekin í gíslingu af óþjóðalýð, sem myrðir systurina og étur til að komast af í vetrarhörkunum. Hannibal kemst lífs af, elst upp á munaðarleysingjahæli þar til hann flýr til Frakklands á náðir ekkju frænda síns, kynnist austrænum bardagalistum og líffærarfræði og hyggur á hefndir. Anthony Hopkins er fjarri góðu gamni eins og gefur að skilja en með hlutverk mannætunnar fer hinn snoppufríði Frakki Gaspard Ulliel. Því miður reynist hann ekki hafa nokkra burði til að búa til óhugnalega eða áhrifamikla persónu úr hinum unga Hannibal, hvað þá bera uppi heila kvikmynd eins og af honum er ætlast. Það er beinlínis leitun að luðrulegri mannætu. Ulliel hefur augljóslega ekki góð tök á enskri tungu, á bágt með að koma setningum frá sér og lítur oft á tíðum út fyrir að vita ekki hvað hann er að segja. Atburðarásin er auk þess ristlítil, langdregin; stútfull af klisjum og laus við allan hrylling, Rhys Ifans, sem leikur þorparann Grutas, var til dæmis meira ógnvekjandi í Little Nicky. Verst er að sagan grefur undan því sem koma skal; Hannibal kemst í kast við lögin í Frakklandi og er grunaður um hroðalegustu glæpi, flýr til annars lands og heldur áfram uppteknum hætti án þess að þurfa svo mikið að skipta um nafn. Sennilega væri heillvænlegast fyrir Harris að koma Hannibal undir græna torfu sem allra fyrst og vinna ekki frekari skaða á því sem hann hefur áður gert og miklu betur. Bergsteinn Sigurðsson Mest lesið Kristófer Helga í veikindaleyfi Lífið Sjóðheitar og einhleypar inn í haustið Lífið Stjörnulífið: Töru Sif meinað að fara í bað Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Ebba Katrín og Oddur keyptu hús í miðbænum Lífið Magnaðar myndir af lengstu á landsins Lífið Frumsýning á Vísi: Helga Braga í kolsvartri kómedíu Bíó og sjónvarp Lítill bróðir mættur: „Fullkominn, stór og sterkur“ Lífið Segir Murphy gera lítið úr kynferðisofbeldi Bíó og sjónvarp Seldu Kolbeini Sigþórs og keyptu í miðbænum Lífið Fleiri fréttir Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira
Rétt eins og Hannibal Lecter gerir við fórnarlömb sín, smjattar rithöfundurinn Thomas Harris á frægustu mannætu síns tíma. Hannibal Rising er fimmta myndin um Lecter (tvær byggja reyndar á sömu bók) og í þetta sinn er ljósinu brugðið á uppvaxtarár Hannibals og leitað skýringa á annarlegum matarsmekk hans. Upp úr dúrnum kemur að Hannibal ólst upp á óðalssetri í Litháen þar sem hann missir foreldra sína í lok seinni heimsstyrjaldar. Þau systir hans eru tekin í gíslingu af óþjóðalýð, sem myrðir systurina og étur til að komast af í vetrarhörkunum. Hannibal kemst lífs af, elst upp á munaðarleysingjahæli þar til hann flýr til Frakklands á náðir ekkju frænda síns, kynnist austrænum bardagalistum og líffærarfræði og hyggur á hefndir. Anthony Hopkins er fjarri góðu gamni eins og gefur að skilja en með hlutverk mannætunnar fer hinn snoppufríði Frakki Gaspard Ulliel. Því miður reynist hann ekki hafa nokkra burði til að búa til óhugnalega eða áhrifamikla persónu úr hinum unga Hannibal, hvað þá bera uppi heila kvikmynd eins og af honum er ætlast. Það er beinlínis leitun að luðrulegri mannætu. Ulliel hefur augljóslega ekki góð tök á enskri tungu, á bágt með að koma setningum frá sér og lítur oft á tíðum út fyrir að vita ekki hvað hann er að segja. Atburðarásin er auk þess ristlítil, langdregin; stútfull af klisjum og laus við allan hrylling, Rhys Ifans, sem leikur þorparann Grutas, var til dæmis meira ógnvekjandi í Little Nicky. Verst er að sagan grefur undan því sem koma skal; Hannibal kemst í kast við lögin í Frakklandi og er grunaður um hroðalegustu glæpi, flýr til annars lands og heldur áfram uppteknum hætti án þess að þurfa svo mikið að skipta um nafn. Sennilega væri heillvænlegast fyrir Harris að koma Hannibal undir græna torfu sem allra fyrst og vinna ekki frekari skaða á því sem hann hefur áður gert og miklu betur. Bergsteinn Sigurðsson
Mest lesið Kristófer Helga í veikindaleyfi Lífið Sjóðheitar og einhleypar inn í haustið Lífið Stjörnulífið: Töru Sif meinað að fara í bað Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Ebba Katrín og Oddur keyptu hús í miðbænum Lífið Magnaðar myndir af lengstu á landsins Lífið Frumsýning á Vísi: Helga Braga í kolsvartri kómedíu Bíó og sjónvarp Lítill bróðir mættur: „Fullkominn, stór og sterkur“ Lífið Segir Murphy gera lítið úr kynferðisofbeldi Bíó og sjónvarp Seldu Kolbeini Sigþórs og keyptu í miðbænum Lífið Fleiri fréttir Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira