Hvað á barnið að borða?

Námskeið um mataræði barna frá sex mánaða aldri.

Hinn 7. maí næstkomandi fer fram námskeið í Heilsuhúsinu um hvernig á að útbúa einfaldan en næringarríkan mat fyrir börn frá sex mánaða aldri. Farið verður yfir á hvaða fæðutegundum er gott að byrja og hvenær.

Einnig verður kennt að meðhöndla og búa til rétti sem innihalda ávexti og grænmeti, heilt korn á borð við quinoa, hirsi, hafra og spelti, baunir eins og linsubaunir sem eru afar prótín- og járnríkar, kaldpressaðar olíur, möndlumauk, sesam­mauk og margt fleira.

Að sögn námskeiðshaldara, Ebbu Guðnýjar Guðmundsdóttur, nýtist þetta námskeið einnig vel þeim sem eru með eldri börn. Við lok námskeiðs fá nemendur veglegt uppskriftar- og fróðleikshefti.

Námskeiðið, sem hefst klukkan 20.00, kostar 2.500 kr. Skráning fer fram í síma 694 6386 og á netfanginu ebbagudny@mac.com