Nordisk Panorama nálgast 15. ágúst 2007 05:15 Þorfinnur Guðnason hefur reynst slægur að kynna verk sín á kynningarmessum eins og Nordisk Panorama Norræna heimildar- og stuttmyndahátíðin, Nordisk Panorama, fer fram í Oulo í Finnlandi í síðustu viku september. Hátíðin fer sem kunnugt er milli nokkurra borga á Norðurlöndunum, var haldin í Árósum í fyrra og þar áður í Bergen. Báðar standa í skugganum af hátíðahaldinu í Reykjavík fyrir þremur árum þegar slegið var aðsóknarmet sem frændum okkar gengur erfiðlega að jafna. Það eru samtökin Nordisk Filmkontakt sem styrkt eru af norrænu ráðherranefndinni sem standa fyrir þessari farandhátíð sem nýtur talverðrar virðingar í Norður-Evrópu en er líka sótt af fulltrúum víðar að. Hér gefur að líta rjómann af því sem er að gerast í norrænum kvikmyndaiðnaði utan leikinna mynda í fullri lengd. Að viðbættum heimildar- og stuttmyndum sem koma víða að. Í ár er engin íslensk heimildarmynd í keppninni, aðrar myndir eru: Anna eftir Helenu Stefánsdóttur, 2006, leikin, 13’, Anna and the Moods eftir Gunnar Karlsson, 2007, teiknimynd, 27’, Dog eftir Hermann Karlsson, 2007, teiknimynd, 1’, Rattlesnakes eftir Hafstein Gunnar Sigurðsson, 2007, leikin, 23’, Wrestling eftir Grím Hákonarson, 2007, leikin, 20’. Allar þessar myndir keppa um peningaverðlaun. Í tengslum við fimm borga hátíðina er jafnan haldinn markaður fyrir kaupendur þar sem aðgengilegur er stór banki norrænna mynda sem Nordisk Filmkontakt annast kynningu á um heim allan. Þá er á hátíðinni sérstakt kynningarþing þar sem hópi framleiðenda er gefinn kostur á að kynna verk í vinnslu. Er sú kynning býsna mikilvæg í forsölu verka til dreifingar bæði í kvikmyndahús, á mynddiska og kvikmyndahátíðir. Eitt íslenskt verkefni verður þar kynnt. Heimildarmynd byggð á Draumalandi Andra Snæs Magnasonar sem Þorfinnur Guðnason leikstýrir. Það er firnastórt verkefni á íslenskan mælikvarða og verður fróðlegt að sjá hvaða framgang það fær á messunni. Úrval mynda af hátíðinni fer síðan á flakk og hefur hér á landi verið lunginn í dagskrá hátíðarinnar Reykjavik Shorts and Docs. Nýr forstjóri Norræna hússins sem þessa dagana er að kynna nýtt reyfi þeirrar virtu menningarstofnunar hefur lýst áhuga á að efla hlut kvikmyndasýninga í húsinu og eru heimildarmyndir þar ekki undanskildar. Reykjavík Shorts and Docs var síðast haldin í Tjarnarbíó. Fulltrúi Íslands í Nordisk filmkontakt er Margrét Jónasdóttir, kvikmyndagerðarmaður og sagnfræðingur. Mest lesið Kristófer Helga í veikindaleyfi Lífið Sjóðheitar og einhleypar inn í haustið Lífið Stjörnulífið: Töru Sif meinað að fara í bað Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Ebba Katrín og Oddur keyptu hús í miðbænum Lífið Frumsýning á Vísi: Helga Braga í kolsvartri kómedíu Bíó og sjónvarp Lítill bróðir mættur: „Fullkominn, stór og sterkur“ Lífið Var talin vera hommi og lögð í einelti Lífið „Eini metnaðurinn minn var að líða ekki illa“ Lífið Segir Murphy gera lítið úr kynferðisofbeldi Bíó og sjónvarp Fleiri fréttir Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira
Norræna heimildar- og stuttmyndahátíðin, Nordisk Panorama, fer fram í Oulo í Finnlandi í síðustu viku september. Hátíðin fer sem kunnugt er milli nokkurra borga á Norðurlöndunum, var haldin í Árósum í fyrra og þar áður í Bergen. Báðar standa í skugganum af hátíðahaldinu í Reykjavík fyrir þremur árum þegar slegið var aðsóknarmet sem frændum okkar gengur erfiðlega að jafna. Það eru samtökin Nordisk Filmkontakt sem styrkt eru af norrænu ráðherranefndinni sem standa fyrir þessari farandhátíð sem nýtur talverðrar virðingar í Norður-Evrópu en er líka sótt af fulltrúum víðar að. Hér gefur að líta rjómann af því sem er að gerast í norrænum kvikmyndaiðnaði utan leikinna mynda í fullri lengd. Að viðbættum heimildar- og stuttmyndum sem koma víða að. Í ár er engin íslensk heimildarmynd í keppninni, aðrar myndir eru: Anna eftir Helenu Stefánsdóttur, 2006, leikin, 13’, Anna and the Moods eftir Gunnar Karlsson, 2007, teiknimynd, 27’, Dog eftir Hermann Karlsson, 2007, teiknimynd, 1’, Rattlesnakes eftir Hafstein Gunnar Sigurðsson, 2007, leikin, 23’, Wrestling eftir Grím Hákonarson, 2007, leikin, 20’. Allar þessar myndir keppa um peningaverðlaun. Í tengslum við fimm borga hátíðina er jafnan haldinn markaður fyrir kaupendur þar sem aðgengilegur er stór banki norrænna mynda sem Nordisk Filmkontakt annast kynningu á um heim allan. Þá er á hátíðinni sérstakt kynningarþing þar sem hópi framleiðenda er gefinn kostur á að kynna verk í vinnslu. Er sú kynning býsna mikilvæg í forsölu verka til dreifingar bæði í kvikmyndahús, á mynddiska og kvikmyndahátíðir. Eitt íslenskt verkefni verður þar kynnt. Heimildarmynd byggð á Draumalandi Andra Snæs Magnasonar sem Þorfinnur Guðnason leikstýrir. Það er firnastórt verkefni á íslenskan mælikvarða og verður fróðlegt að sjá hvaða framgang það fær á messunni. Úrval mynda af hátíðinni fer síðan á flakk og hefur hér á landi verið lunginn í dagskrá hátíðarinnar Reykjavik Shorts and Docs. Nýr forstjóri Norræna hússins sem þessa dagana er að kynna nýtt reyfi þeirrar virtu menningarstofnunar hefur lýst áhuga á að efla hlut kvikmyndasýninga í húsinu og eru heimildarmyndir þar ekki undanskildar. Reykjavík Shorts and Docs var síðast haldin í Tjarnarbíó. Fulltrúi Íslands í Nordisk filmkontakt er Margrét Jónasdóttir, kvikmyndagerðarmaður og sagnfræðingur.
Mest lesið Kristófer Helga í veikindaleyfi Lífið Sjóðheitar og einhleypar inn í haustið Lífið Stjörnulífið: Töru Sif meinað að fara í bað Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Ebba Katrín og Oddur keyptu hús í miðbænum Lífið Frumsýning á Vísi: Helga Braga í kolsvartri kómedíu Bíó og sjónvarp Lítill bróðir mættur: „Fullkominn, stór og sterkur“ Lífið Var talin vera hommi og lögð í einelti Lífið „Eini metnaðurinn minn var að líða ekki illa“ Lífið Segir Murphy gera lítið úr kynferðisofbeldi Bíó og sjónvarp Fleiri fréttir Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira