Birgir Leifur lauk leik á fimm yfir pari

Kylfingurinn Birgir Leifur Hafþórsson lauk leik á fyrsta keppnisdegi á Scandinavian Masters á fimm höggum yfir pari. Birgir lék fyrri níu holurnar á 36 höggum en þær síðari á 39 höggum. Hann fékk þrjá skolla, einn tvöfaldan skolla og 14 pör í dag.

Birgir er jafn nokkrum öðrum kylfingum í 135. sæti en keppni á fyrsta degi er ekki enn lokið en ljóst er að áður en dagurinn verður úti er Birgir á meðal neðstu manna. Ekki vænleg staða fyrir Birgi sem verður að komast ofar í listann. Scott Strange er enn efstur í mótinu á sex höggum undir pari en einn þekktasti kylfingurinn í mótinu, John Daly lauk keppni í dag á tveimur höggum yfir pari.

Kylfingur.is