Ekki aftur í Hairspray

Leikarinn John Travolta ætlar ekki að endurtaka hlutverk sitt sem Edna Turnblad í væntanlegu framhaldi söngvamyndarinnar Hairspray. Fyrri myndin fékk mjög góðar viðtökur þegar hún kom út og þótti Travolta standa sig með prýði sem hin þybbna Turnblad.

„Mér finnst ein mynd vera alveg nóg. Ég er búinn með eina mynd og það gekk vel en ég er ekki þessi framhaldsmyndamaður," sagði Travolta, sem getur valið úr verkefnum. Næsta mynd hans er teiknimyndin Bolt þar sem hann ljær aðalpersónunni rödd sína.