Stjarnan Íslandsmeistari

Stjarnan varð í dag Íslandsmeistari í handbolta eftir sigur á Val í lokaumferð N1-deildar kvenna, 26-20.

Stjarnan hafði mikla yfirburði í fyrri hálfleik og komst til að mynda í níu marka forystu. Valsmenn náðu þó að minnka muninn í tvö mörk í síðari hálfleik en Stjarnan reyndist sterkari á lokasprettinum.

Stjarnan fékk því 41 stig í vetur, rétt eins og Fram, en hafði betur í innbyrðis viðureignum. Fram átti ekki leik í lokaumferðinni og gátu því leikmenn og stuðningsmenn liðsins lítið gert annað en fylgst með leiknum í dag.

Valur varð í þriðja sæti með 36 stig.

Þrír aðrir leikir fóru fram í N1-deild kvenna og birtast úrslit þeirra hér síðar.