Alonso og Piquet áfram hjá Renault

Fernando Alonso og Nelson Piquet voru í dag tilkynntir sem ökumenn Renault á næsta ári og Alonso gerði tveggja ára samning við Renault

Mörg lið voru á höttunum eftir störfum Alonso, en hann ákvað að vera áfram hjá Renault, sem hann vann tvo titla með árin 2005 og 2006.

Alonso vann tvö mót á þessu keppnistímabili og varð í öðru sæti á eftir Felipe Massa í lokamóti meistaramótsins um síðustu helgi.

BMW og Honda vildu fá Alonso í sínar raðir, en hann telur að Renault veiti honum besta tækifærið til að ná árangri næstu tvö árin. Alonso dreymir enn að keyra með Ferrari og samingur Kimi Raikkönen við liðið rennur út í lok ársins 2010. Það gæti ráðið lengd samnings Alonso við Renault.