Öruggur sigur á Portúgal

Íslenska kvennalandsliðið vann Portúgal 3-0 í lokaleik sínum í riðlakeppni Algarve Cup. Með þessum sigri tryggði Ísland sér efsta sæti riðilsins og mun leika um sjöunda sæti mótsins.

Margrét Lára Viðarsdóttir skoraði tvö mörk, bæði í fyrri hálfleiknum, og það var síðan Katrín Jónsdóttir sem bætti þriðja markinu við í seinni hálfleiknum.

Katrín jafnaði landsleikjamet Ásthildar Helgadóttur en hún lék 69. landsleik sinn í dag. Finnar verða mótherjar íslenska liðsins í leiknum um sjöunda sætið en leikurinn verður á miðvikudag.

Byrjunarlið íslenska liðsins: Guðbjörg Gunnarsdóttir (m), Ólína Viðarsdóttir, Hallbera Guðný Gísladóttir, Guðrún Sóley Gunnarsdóttir, Katrín Jónsdóttir (f), Edda Garðarsdóttir, Erla Steina Arnardóttir, Sara Björk Gunnarsdóttir, Rakel Hönnudóttir, Guðný Björk Óðinsdóttir, Margrét Lára Viðarsdóttir.