Dagur þakklætis Dr. Gunni skrifar 1. maí 2008 00:01 Í dag er góður dagur til að þakka fyrir þá dásamlegu tilviljun að þú fæddist í besta landi í heimi. Að þú sért hluti af hamingjusömustu þjóð í heimi og hafir ítrekað borið gæfu til að kjósa þér bestu leiðtoga alheimsins. Í skjóli golfstraumsins, ein á gleðiskerinu sígræna, getum við varist vondum erlendum áhrifum. Ekki viljum við að belgískir níðingar komist í náttúruauðlindir okkar og spænskir sósíalistar veiði allan fiskinn. Það segir sig sjálft að okkar grænmeti sem vaxið hefur undir hátæknilegum flúorljósum eru miklu betri en erlent krabbameinssólbrunnið sorp. Okkar ostar betri en mengaður viðbjóður, okkar kjöt betra en sýkt og saurugt útlent dót. Allt er best á Íslandi. Þetta vita heiðvirðir borgarar og greiða því með glöðu geði fyrir dýrasta mat í heimi. Auðvitað verður að ofurtolla útlenda sorpið svo kjánar fari sér ekki að voða. Fáum við ódýran mat deyjum við öll úr sjúkdómum og hættum að tala íslensku. Óskeikulir leiðtogar okkar hafa með dugnaði og útsjónarsemi tekist að koma verðbólgunni hærra en hún hefur verið í átján ár. Húsnæðismarkaðurinn er í blóma og bilið milli ríkra og fátækra hefur aldrei verið meira. Íslenska krónan stendur eins og klettur í hafinu þegar fárviðri geisa annars staðar. Alls konar frábærar mótvægisaðgerðir til að viðhalda stöðugleikanum hafa skilað þessari himnesku niðurstöðu því íslenskir stjórnmálamenn hugsa svo sannarlega langt fram í tímann. Hér er allt svo unaðslegt að okkar besta fólk getur leyst alþjóðleg ágreiningsmál með litla putta á meðan þjóðarskútan siglir inn í sólarlag eilífrar hamingju. Leiðtogar okkar eru hálfguðir. Sérstök eftirlaunalög er því sá minnsti þakklætisvottur sem alþýðufólk getur sýnt leiðtogum sínum. Risavaxnar gullstyttur á Lækjartorgi eða pýramídar væru eðlilegt framhaldsskref. Þegar sora- og spillingaröfl færa sig upp á skaftið er gott að vita af sterkri lögreglu sem mannfjöldastjórnar hryðjuverkamönnum með hamingjuúða. Efla þarf sérsveitirnar og ganga harðar fram við íslenskt hryðjuverkafólk. Upplagt væri að úða eina uppreisnarhjúkku eða vörubílstjóra með reglulegu millibili öðrum til aðvörunar. Svei soraöflum sem rugga báti fullkomleikans. Kæru landsmenn. Í dag skulum við sameinast í söng og ganga til móts við enn bjartari framtíð, lýtalausum leiðtogum okkar til dýrðar. Það er, ef þið eruð ekki of upptekin við að bóna hjólhýsin. Viltu birta grein á Vísi? Sendu okkur póst. Senda grein Dr. Gunni Mest lesið Transumræðan og ruglið um fjölda kynja Einar Steingrímsson Skoðun Foreldrar þurfa bara að vera duglegri Björg Magnúsdóttir Skoðun Magga Stína! Helga Völundardóttir Skoðun 752 dánir vegna geðheilsuvanda – enginn vegna fjölþáttaógnar Grímur Atlason Skoðun Uppgjöf Reykjavíkurborgar í leikskólamálum Finnbjörn A. Hermannsson,Sonja Ýr Þorbergsdóttir Skoðun Leikskólar eru ekki munaður Íris Eva Gísladóttir Skoðun Kópavogsmódelið – sveigjanleiki á pappír, en álag á foreldrar í raun og veru Örn Arnarson Skoðun Dýrkeypt eftirlitsleysi Lilja Björk Guðmundsdóttir Skoðun Minntist ekkert á Evrópusambandið Hjörtur J. Guðmundsson Skoðun 7 milljarða húsnæðisstuðningur afnuminn… en hvað kemur í staðinn? Vilhjálmur Hilmarsson Skoðun
Í dag er góður dagur til að þakka fyrir þá dásamlegu tilviljun að þú fæddist í besta landi í heimi. Að þú sért hluti af hamingjusömustu þjóð í heimi og hafir ítrekað borið gæfu til að kjósa þér bestu leiðtoga alheimsins. Í skjóli golfstraumsins, ein á gleðiskerinu sígræna, getum við varist vondum erlendum áhrifum. Ekki viljum við að belgískir níðingar komist í náttúruauðlindir okkar og spænskir sósíalistar veiði allan fiskinn. Það segir sig sjálft að okkar grænmeti sem vaxið hefur undir hátæknilegum flúorljósum eru miklu betri en erlent krabbameinssólbrunnið sorp. Okkar ostar betri en mengaður viðbjóður, okkar kjöt betra en sýkt og saurugt útlent dót. Allt er best á Íslandi. Þetta vita heiðvirðir borgarar og greiða því með glöðu geði fyrir dýrasta mat í heimi. Auðvitað verður að ofurtolla útlenda sorpið svo kjánar fari sér ekki að voða. Fáum við ódýran mat deyjum við öll úr sjúkdómum og hættum að tala íslensku. Óskeikulir leiðtogar okkar hafa með dugnaði og útsjónarsemi tekist að koma verðbólgunni hærra en hún hefur verið í átján ár. Húsnæðismarkaðurinn er í blóma og bilið milli ríkra og fátækra hefur aldrei verið meira. Íslenska krónan stendur eins og klettur í hafinu þegar fárviðri geisa annars staðar. Alls konar frábærar mótvægisaðgerðir til að viðhalda stöðugleikanum hafa skilað þessari himnesku niðurstöðu því íslenskir stjórnmálamenn hugsa svo sannarlega langt fram í tímann. Hér er allt svo unaðslegt að okkar besta fólk getur leyst alþjóðleg ágreiningsmál með litla putta á meðan þjóðarskútan siglir inn í sólarlag eilífrar hamingju. Leiðtogar okkar eru hálfguðir. Sérstök eftirlaunalög er því sá minnsti þakklætisvottur sem alþýðufólk getur sýnt leiðtogum sínum. Risavaxnar gullstyttur á Lækjartorgi eða pýramídar væru eðlilegt framhaldsskref. Þegar sora- og spillingaröfl færa sig upp á skaftið er gott að vita af sterkri lögreglu sem mannfjöldastjórnar hryðjuverkamönnum með hamingjuúða. Efla þarf sérsveitirnar og ganga harðar fram við íslenskt hryðjuverkafólk. Upplagt væri að úða eina uppreisnarhjúkku eða vörubílstjóra með reglulegu millibili öðrum til aðvörunar. Svei soraöflum sem rugga báti fullkomleikans. Kæru landsmenn. Í dag skulum við sameinast í söng og ganga til móts við enn bjartari framtíð, lýtalausum leiðtogum okkar til dýrðar. Það er, ef þið eruð ekki of upptekin við að bóna hjólhýsin.
Uppgjöf Reykjavíkurborgar í leikskólamálum Finnbjörn A. Hermannsson,Sonja Ýr Þorbergsdóttir Skoðun
Kópavogsmódelið – sveigjanleiki á pappír, en álag á foreldrar í raun og veru Örn Arnarson Skoðun
Uppgjöf Reykjavíkurborgar í leikskólamálum Finnbjörn A. Hermannsson,Sonja Ýr Þorbergsdóttir Skoðun
Kópavogsmódelið – sveigjanleiki á pappír, en álag á foreldrar í raun og veru Örn Arnarson Skoðun