Gengi hlutabréfa í Alfesca, hefur hækkað um 1,28 prósent það sem af er dags. Þetta er eina hækkun dagsins. Á sama tíma hefur gengi Century Aluminum, móðurfélags Norðuráls, fallið um 6,65 prósent, Bakkavarar um 3,63 prósent og Eimskips um 2,4 prósent.
Þá hefur gengi bréfa í Straumi lækkað um 1,77 prósent, Marel Food Systems lækkað um 1,23 prósent og Össurar um 0,63 prósent.
Úrvalsvísitalan, OMXI15, hefur lækkað um 0,55 prósent og stendur hún í 313 stigum.
Viðskipti hafa verið með rólegasta móti á þessum síðasta viðskiptadegi vikunnar. Þau eru 31 talsins upp á 27,2 milljónir króna.
