Ragnheiður Tryggvadóttir: Nytsemi netheima 6. maí 2010 06:00 Netsamfélagið Facebook getur verið mjög skemmtilegt og til margra hluta nytsamlegt. Þarna hafa löngu gleymdir vinir og kunningjar getað endurnýjað kynnin og skipst á fréttum um það sem á dagana hefur drifið. Fólk eignast líka glænýja vini og finnur jafnvel fjölskyldumeðlimi sem það hefur aldrei hitt. Misjafnt er hversu mikið hver hangir á bókinni og hvaða upplýsingum fólk deilir með umheiminum. Einhverjir nota síðuna eins og dagbók og smella inn reglulega því sem þeir eru að sýsla, hvort sem það eru færslur eins og „hangsast á náttfötunum yfir kaffibolla," eða „gekk á Esjuna í morgun!" Svo eru þeir sem nota hana til að koma pólitískum skoðunum sínum á framfæri og eru stóryrtir um gang þjóðmálanna. Margir freistast til halda úti ákveðinni ímynd með færslum um hvaða hábókmenntir liggja á náttborðinu. Eitt er víst að það sem skrifað er á feisbókina stendur þar fyrir augum gríðarslegs fjölda fólks og þar er hægt að fylgjast náið með lífi margra. Fiskisagan flýgur hratt í netheimum og því vissara að gæta orða sinna þar sem fólk er misjafnlega innrætt eins og gengur og getur notað feisbókina í annarlegum tilgangi. Einhverntíman var til dæmis varað við því að setja fram á feisbókinni að maður yrði að heiman í einhvern tíma. Óprúttnir náungar gætu nýtt sér upplýsingarnar á vafasaman hátt, brotist inn á heimilið í rólegheitunum á meðan og stolið þaðan öllu steini léttara, ótruflaðir. Miðað við fréttir af aukinni tíðni innbrota síðustu misserin er ljóst að það eru margir sem ágirnast eigur annara og nota sér auðvitað nútíma tækni netheima til að leita uppi mannlaus heimili. Eins þykir óráðlegt að setja inn myndir án þess að passa upp á hverjir geti opnað albúmin og skyggnst þannig inn í fjölskyldurlífið. Reyndar eru það ekki bara þeir óprúttnu sem geta nýtt sér gálausar færslur á feisbókinni. Réttvísin nýtir sér líka nútíma tækni netheima til að leita uppi krimmana, eins og frétt hér í blaðinu í gær sýndi. Þá urðu óprúttnir tryggingasvindlarar af hundruðum þúsunda króna á mánuði, sem þeir sviku út úr Tryggingastofnun og þeim sem samviskusamlega greiða sín iðgjöld. Þeim varð það á að glopara upplýsingum um hagi sína á netið sem ekki stóðust svo réttvísin hafði hendur í hári þeirra. Viltu birta grein á Vísi? Sendu okkur póst. Senda grein Ragnheiður Tryggvadóttir Mest lesið Konur sem stinga hvor aðra í bakið Sigríður Svanborgardóttir Skoðun Sameining sem eflir íslenskan landbúnað Egill Gautason Skoðun Það er list að lifa með krabbameini Hlíf Steingrímsdóttir Skoðun Um kynjafræði og pólítík Hanna Björg Vilhjálmsdóttir Skoðun Fjölbreytileiki er styrkleiki Guðmundur Ingi Kristinsson Skoðun Eitt spilakort, betri spilamenning – er skaðaminnkandi Ingvar Örn Ingvarsson Skoðun Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun Ef þið bara hefðuð séð heiminn út frá mínum augum: Börn & ADHD Stefán Þorri Helgason Skoðun Konur á örorku Sigríður Ingibjörg Ingadóttir,Steinunn Bragadóttir Skoðun Við fylgjum þér frá getnaði til grafar Benedikt S. Benediktsson Skoðun
Netsamfélagið Facebook getur verið mjög skemmtilegt og til margra hluta nytsamlegt. Þarna hafa löngu gleymdir vinir og kunningjar getað endurnýjað kynnin og skipst á fréttum um það sem á dagana hefur drifið. Fólk eignast líka glænýja vini og finnur jafnvel fjölskyldumeðlimi sem það hefur aldrei hitt. Misjafnt er hversu mikið hver hangir á bókinni og hvaða upplýsingum fólk deilir með umheiminum. Einhverjir nota síðuna eins og dagbók og smella inn reglulega því sem þeir eru að sýsla, hvort sem það eru færslur eins og „hangsast á náttfötunum yfir kaffibolla," eða „gekk á Esjuna í morgun!" Svo eru þeir sem nota hana til að koma pólitískum skoðunum sínum á framfæri og eru stóryrtir um gang þjóðmálanna. Margir freistast til halda úti ákveðinni ímynd með færslum um hvaða hábókmenntir liggja á náttborðinu. Eitt er víst að það sem skrifað er á feisbókina stendur þar fyrir augum gríðarslegs fjölda fólks og þar er hægt að fylgjast náið með lífi margra. Fiskisagan flýgur hratt í netheimum og því vissara að gæta orða sinna þar sem fólk er misjafnlega innrætt eins og gengur og getur notað feisbókina í annarlegum tilgangi. Einhverntíman var til dæmis varað við því að setja fram á feisbókinni að maður yrði að heiman í einhvern tíma. Óprúttnir náungar gætu nýtt sér upplýsingarnar á vafasaman hátt, brotist inn á heimilið í rólegheitunum á meðan og stolið þaðan öllu steini léttara, ótruflaðir. Miðað við fréttir af aukinni tíðni innbrota síðustu misserin er ljóst að það eru margir sem ágirnast eigur annara og nota sér auðvitað nútíma tækni netheima til að leita uppi mannlaus heimili. Eins þykir óráðlegt að setja inn myndir án þess að passa upp á hverjir geti opnað albúmin og skyggnst þannig inn í fjölskyldurlífið. Reyndar eru það ekki bara þeir óprúttnu sem geta nýtt sér gálausar færslur á feisbókinni. Réttvísin nýtir sér líka nútíma tækni netheima til að leita uppi krimmana, eins og frétt hér í blaðinu í gær sýndi. Þá urðu óprúttnir tryggingasvindlarar af hundruðum þúsunda króna á mánuði, sem þeir sviku út úr Tryggingastofnun og þeim sem samviskusamlega greiða sín iðgjöld. Þeim varð það á að glopara upplýsingum um hagi sína á netið sem ekki stóðust svo réttvísin hafði hendur í hári þeirra.
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun