Hvatt til dáða Davíð Þór Jónsson skrifar 16. október 2010 00:01 Landið út við ysta sæ oft er súrt að gista, en bölvað ástand bætir æ að berja nýnasista. Unun veitir, ætla ég, sem alldjúpt muni rista og fráleitt vera leiðinleg, að lemja nýnasista. Svona lagað svínarí er svívirða að vista. Byrjum þegar bernsku í að banka nýnasista Hýða má og hæða hvasst, höggva í spað og kvista, bæði klípa, bíta fast og buffa nýnasista. Allir þeir sem yndi sjá í ýmsum fögrum listum láti ekki líða hjá að lumbra á nýnasistum. Íslendingur, af þér slen ættir þú að hrista. Engin list er ljúfari en að lemstra nýnasista. Frá því merlar morgundögg uns myrkva fer og frysta látum dynja hnefahögg á hausum nýnasista. Svo við getum sofið rótt, sæl við hafið ysta, verum dugleg dag og nótt að dangla í nýnasista Í víti senda vonda skal veginn allra stysta. Ég mana því hvern mætan hal að mauka nýnasista. Þar til bera burtu þarf bjánana í kistum, það sé landans líf og starf að lúskra á nýnasistum. Viltu birta grein á Vísi? Sendu okkur póst. Senda grein Davíð Þór Jónsson Mest lesið Hver vill eldast ? Ebba Margrét Magnúsdóttir Skoðun Karlar gegn kynbundnu ofbeldi Þorgerður J. Einarsdóttir,Ingólfur Á. Jóhannesson Skoðun Að búa til eitthvað úr engu Sigurjón Njarðarson Skoðun Stafrænt ofbeldi: Ógn sem fylgir þolendum hvert sem þeir fara Jenný Kristín Valberg Skoðun 3.860 börn í Reykjavík nýttu ekki frístundastyrkinn Sara Björg Sigurðardóttir Skoðun Ég á þetta ég má þetta Arnar Atlason Skoðun „Ég veit alltaf hvar þú ert druslan þín!“ Linda Dröfn Gunnarsdóttir Skoðun Ekki stimpla mig! Lóa Jóhannsdóttir Skoðun Aldrei gefast upp Árni Sigurðsson Skoðun Engin sjálfbærni án menningar Constance Ursin,Rasmus Vestergaard,Claus Kjeld Jensen,Sarah Anwar,Varna Marianne Nielsen Skoðun
Landið út við ysta sæ oft er súrt að gista, en bölvað ástand bætir æ að berja nýnasista. Unun veitir, ætla ég, sem alldjúpt muni rista og fráleitt vera leiðinleg, að lemja nýnasista. Svona lagað svínarí er svívirða að vista. Byrjum þegar bernsku í að banka nýnasista Hýða má og hæða hvasst, höggva í spað og kvista, bæði klípa, bíta fast og buffa nýnasista. Allir þeir sem yndi sjá í ýmsum fögrum listum láti ekki líða hjá að lumbra á nýnasistum. Íslendingur, af þér slen ættir þú að hrista. Engin list er ljúfari en að lemstra nýnasista. Frá því merlar morgundögg uns myrkva fer og frysta látum dynja hnefahögg á hausum nýnasista. Svo við getum sofið rótt, sæl við hafið ysta, verum dugleg dag og nótt að dangla í nýnasista Í víti senda vonda skal veginn allra stysta. Ég mana því hvern mætan hal að mauka nýnasista. Þar til bera burtu þarf bjánana í kistum, það sé landans líf og starf að lúskra á nýnasistum.
Engin sjálfbærni án menningar Constance Ursin,Rasmus Vestergaard,Claus Kjeld Jensen,Sarah Anwar,Varna Marianne Nielsen Skoðun
Engin sjálfbærni án menningar Constance Ursin,Rasmus Vestergaard,Claus Kjeld Jensen,Sarah Anwar,Varna Marianne Nielsen Skoðun