Um ástina og ómælisvíddir himingeimsins Trausti Júlíusson skrifar 23. febrúar 2010 06:00 Hátindar er safnplata með Kópavogstrúbadornum Ingólfi Sigurðssyni sem kallar sig Insol. Hann hefur fengist við tónlist síðan 1983, en sendi frá sér sína fyrstu plötu árið 1998. Hún fékk nafnið Insol og innihélt lög eftir Bob Dylan í meðförum Ingólfs en fyrsta platan hans með frumsömdu efni, Hið mikla samband, kom ári seinna. Á Hátindum eru sextán lög af fyrstu átta plötum Insols sem komu út á árunum 1998-2003, auk tveggja áður áður óútgefinna verka. Það var Dr. Gunni sem valdi efnið. Aðalsmerki Insols eru flott lög og textar og persónulegur flutningur. Umfjöllunarefnin eru fjölbreytileg, allt frá hugleiðingum um stelpur yfir í kenningar um framtíð jarðarinnar og tenginguna út í ómælisvíddir himingeimsins. Þekktasta lag Insols, Hvenær mun hér á Íslandi rísa stjörnusambandsstöð? tilheyrir síðastnefnda flokknum, algerlega frábært verk sem er löngu orðið klassískt og þau eru mörg fleiri á plötunni í sama gæðaflokki. Ég nefni til dæmis Er ég ekki of gamall fyrir þig?, Blóm friður og ást, Björgunarlag, Þakklátir tímar og hið glænýja Efnahagskreppan á upptök sín í Kína þar sem Insól fjallar um hrunið og fjármálakreppuna. Skýringar hans á orsökum kreppunnar eru jafn frumlegar og persónulegar og annað á þessari plötu. Insol hefur aðra sýn á heiminn heldur en flestir og í því felst meðal annars snilldin. Margir tengja Insol við hina hefðbundnu trúbadorauppstillingu, söng, gítarundirleik og munnhörpusóló, en eins og heyrist vel á Hátindum þá virka tónsmíðar hans líka ágætlega í hljómborðsútsetningum. Gott dæmi um það eru lögin Við viljum jafnrétti og Jafnréttið er eina svarið. Hátindar er flott safnplata. Henni fylgir gott upplýsingablað um plöturnar átta og ferilinn. Hún er tilvalinn upphafspunktur fyrir þá sem ekki þekkja til Insols, en þeir sem komast á bragðið verða eflaust ekki saddir fyrr en þeir hafa leitað uppi upprunalegu plöturnar sjálfar.Niðurstaða: Gott yfirlit yfir feril trúbadorsins Insols sem er löngu tímabært að nái eyrum íslenskra tónlistaráhugamanna. Menning Tónlist Mest lesið Galopnar sig og segist ætla að breyta hlutunum Lífið Freðinn faðir, fáránlegir fasistar og fyrsta flokks bíó Gagnrýni Baunar á kókaða söngkonu fyrir baktal Tónlist Skilin að borði og sæng eftir 28 ára hjónaband Lífið Óöruggur eftir að kærastan stundaði hópkynlíf erlendis Lífið „Ákvað að skilja hana eftir þar og athuga hversu langt ég kæmist“ Lífið „Rétturinn sem fjölskyldan þín mun elska og biðja um aftur og aftur“ Lífið Frumsýning á Vísi: Iceguys trylla þjóðina enn og aftur í nýju myndbandi Tónlist Markmiðið að græða ekkert og „helst tapa pening“ Menning Flugfreyja, íþróttakona og ráðherra breyttu leiknum Lífið Fleiri fréttir Freðinn faðir, fáránlegir fasistar og fyrsta flokks bíó Veisla fyrir augu og eyru Ekki er allt gull sem glóir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Sjá meira
Hátindar er safnplata með Kópavogstrúbadornum Ingólfi Sigurðssyni sem kallar sig Insol. Hann hefur fengist við tónlist síðan 1983, en sendi frá sér sína fyrstu plötu árið 1998. Hún fékk nafnið Insol og innihélt lög eftir Bob Dylan í meðförum Ingólfs en fyrsta platan hans með frumsömdu efni, Hið mikla samband, kom ári seinna. Á Hátindum eru sextán lög af fyrstu átta plötum Insols sem komu út á árunum 1998-2003, auk tveggja áður áður óútgefinna verka. Það var Dr. Gunni sem valdi efnið. Aðalsmerki Insols eru flott lög og textar og persónulegur flutningur. Umfjöllunarefnin eru fjölbreytileg, allt frá hugleiðingum um stelpur yfir í kenningar um framtíð jarðarinnar og tenginguna út í ómælisvíddir himingeimsins. Þekktasta lag Insols, Hvenær mun hér á Íslandi rísa stjörnusambandsstöð? tilheyrir síðastnefnda flokknum, algerlega frábært verk sem er löngu orðið klassískt og þau eru mörg fleiri á plötunni í sama gæðaflokki. Ég nefni til dæmis Er ég ekki of gamall fyrir þig?, Blóm friður og ást, Björgunarlag, Þakklátir tímar og hið glænýja Efnahagskreppan á upptök sín í Kína þar sem Insól fjallar um hrunið og fjármálakreppuna. Skýringar hans á orsökum kreppunnar eru jafn frumlegar og persónulegar og annað á þessari plötu. Insol hefur aðra sýn á heiminn heldur en flestir og í því felst meðal annars snilldin. Margir tengja Insol við hina hefðbundnu trúbadorauppstillingu, söng, gítarundirleik og munnhörpusóló, en eins og heyrist vel á Hátindum þá virka tónsmíðar hans líka ágætlega í hljómborðsútsetningum. Gott dæmi um það eru lögin Við viljum jafnrétti og Jafnréttið er eina svarið. Hátindar er flott safnplata. Henni fylgir gott upplýsingablað um plöturnar átta og ferilinn. Hún er tilvalinn upphafspunktur fyrir þá sem ekki þekkja til Insols, en þeir sem komast á bragðið verða eflaust ekki saddir fyrr en þeir hafa leitað uppi upprunalegu plöturnar sjálfar.Niðurstaða: Gott yfirlit yfir feril trúbadorsins Insols sem er löngu tímabært að nái eyrum íslenskra tónlistaráhugamanna.
Menning Tónlist Mest lesið Galopnar sig og segist ætla að breyta hlutunum Lífið Freðinn faðir, fáránlegir fasistar og fyrsta flokks bíó Gagnrýni Baunar á kókaða söngkonu fyrir baktal Tónlist Skilin að borði og sæng eftir 28 ára hjónaband Lífið Óöruggur eftir að kærastan stundaði hópkynlíf erlendis Lífið „Ákvað að skilja hana eftir þar og athuga hversu langt ég kæmist“ Lífið „Rétturinn sem fjölskyldan þín mun elska og biðja um aftur og aftur“ Lífið Frumsýning á Vísi: Iceguys trylla þjóðina enn og aftur í nýju myndbandi Tónlist Markmiðið að græða ekkert og „helst tapa pening“ Menning Flugfreyja, íþróttakona og ráðherra breyttu leiknum Lífið Fleiri fréttir Freðinn faðir, fáránlegir fasistar og fyrsta flokks bíó Veisla fyrir augu og eyru Ekki er allt gull sem glóir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Sjá meira