Stórsveit í stuði Trausti Júlíusson skrifar 17. janúar 2011 06:00 Helvítis fokking funk með Samúel Jón Samúelsson Big Band. Tónlist Helvítis fokking funk Samúel Jón Samúelsson Big Band Eitt af því sem setti sterkan svip á búsáhaldabyltinguna var takturinn sem var sleginn í mótmælunum. Einhvern tímann röðuðu nokkrir af fremstu trommuleikurum landsins sér upp fyrir framan Alþingishúsið, en oftast voru það bara venjulegir mótmælendur sem framkölluðu taktinn með pottum, pönnum og öðru lauslegu. Þessi taktur og orkan í mótmælunum varð Samúel Jóni Samúelssyni innblástur á plötunni Helvítis fokking funk sem hann gerði með stórsveitinni sinni. Nafnið er auðvitað viðsnúningur á frægasta slagorði sömu byltingar og á umslaginu eru fjölmargar myndir frá mótmælunum. Platan kom út í haust, en flaug frekar lágt - ég heyrði hana t.d. ekki fyrr en í desember. Helvítis fokking funk inniheldur 6 lög, en er samt um 55 mínútur að lengd. Lögin eru frá 7 og upp í 13 mínútur að lengd. Og þetta er hörkuplata. Sammi, sem samdi öll lögin, hefur greinilega verið í miklum ham. Þau eru hvert öðru betra. Þetta er djassskotið stórsveitarfönk sem átján meðlimir stórsveitarinnar flytja af krafti og tilfinningu, enda margir af bestu hljóðfæraleikurum landsins þar á meðal. Auðvitað er sótt í gamla frasa í þessari tónlist, en útfærslan er fersk og vel framreidd og tilvísunin í búsáhaldabyltinguna setur tónlistina í nýtt samhengi. Platan hefur sterkan heildarsvip, en hvert lag hefur samt sinn karakter. Upphafslagið, hið tæplega 13 mínútna Chicken Street, er léttleikandi fönksmellur sem er brotinn upp með búsáhaldaslætti. Mjög flott. Hrátt rafbassagrúv og flott sóló setja svip á titillagið, þungur raftaktur einkennir International Monetary Funk, en lokalagið Guð blessi Ísland er rólegt og lágstemmt, gefur hlustandanum tækifæri til að hugsa eftir öll lætin. Á heildina litið frábær plata. Tengingin við búsáhaldabyltinguna virkar vel, en þetta er líka bara pottþétt stórsveitarfönkplata. Fær bestu meðmæli. Niðurstaða: Samúel Jón Samúelsson og stórsveitin hans í miklum ham á frábærri fönkplötu. Mest lesið Galopnar sig og segist ætla að breyta hlutunum Lífið Freðinn faðir, fáránlegir fasistar og fyrsta flokks bíó Gagnrýni Baunar á kókaða söngkonu fyrir baktal Tónlist Skilin að borði og sæng eftir 28 ára hjónaband Lífið Óöruggur eftir að kærastan stundaði hópkynlíf erlendis Lífið „Ákvað að skilja hana eftir þar og athuga hversu langt ég kæmist“ Lífið „Rétturinn sem fjölskyldan þín mun elska og biðja um aftur og aftur“ Lífið Frumsýning á Vísi: Iceguys trylla þjóðina enn og aftur í nýju myndbandi Tónlist Markmiðið að græða ekkert og „helst tapa pening“ Menning Flugfreyja, íþróttakona og ráðherra breyttu leiknum Lífið Fleiri fréttir Freðinn faðir, fáránlegir fasistar og fyrsta flokks bíó Veisla fyrir augu og eyru Ekki er allt gull sem glóir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Sjá meira
Tónlist Helvítis fokking funk Samúel Jón Samúelsson Big Band Eitt af því sem setti sterkan svip á búsáhaldabyltinguna var takturinn sem var sleginn í mótmælunum. Einhvern tímann röðuðu nokkrir af fremstu trommuleikurum landsins sér upp fyrir framan Alþingishúsið, en oftast voru það bara venjulegir mótmælendur sem framkölluðu taktinn með pottum, pönnum og öðru lauslegu. Þessi taktur og orkan í mótmælunum varð Samúel Jóni Samúelssyni innblástur á plötunni Helvítis fokking funk sem hann gerði með stórsveitinni sinni. Nafnið er auðvitað viðsnúningur á frægasta slagorði sömu byltingar og á umslaginu eru fjölmargar myndir frá mótmælunum. Platan kom út í haust, en flaug frekar lágt - ég heyrði hana t.d. ekki fyrr en í desember. Helvítis fokking funk inniheldur 6 lög, en er samt um 55 mínútur að lengd. Lögin eru frá 7 og upp í 13 mínútur að lengd. Og þetta er hörkuplata. Sammi, sem samdi öll lögin, hefur greinilega verið í miklum ham. Þau eru hvert öðru betra. Þetta er djassskotið stórsveitarfönk sem átján meðlimir stórsveitarinnar flytja af krafti og tilfinningu, enda margir af bestu hljóðfæraleikurum landsins þar á meðal. Auðvitað er sótt í gamla frasa í þessari tónlist, en útfærslan er fersk og vel framreidd og tilvísunin í búsáhaldabyltinguna setur tónlistina í nýtt samhengi. Platan hefur sterkan heildarsvip, en hvert lag hefur samt sinn karakter. Upphafslagið, hið tæplega 13 mínútna Chicken Street, er léttleikandi fönksmellur sem er brotinn upp með búsáhaldaslætti. Mjög flott. Hrátt rafbassagrúv og flott sóló setja svip á titillagið, þungur raftaktur einkennir International Monetary Funk, en lokalagið Guð blessi Ísland er rólegt og lágstemmt, gefur hlustandanum tækifæri til að hugsa eftir öll lætin. Á heildina litið frábær plata. Tengingin við búsáhaldabyltinguna virkar vel, en þetta er líka bara pottþétt stórsveitarfönkplata. Fær bestu meðmæli. Niðurstaða: Samúel Jón Samúelsson og stórsveitin hans í miklum ham á frábærri fönkplötu.
Mest lesið Galopnar sig og segist ætla að breyta hlutunum Lífið Freðinn faðir, fáránlegir fasistar og fyrsta flokks bíó Gagnrýni Baunar á kókaða söngkonu fyrir baktal Tónlist Skilin að borði og sæng eftir 28 ára hjónaband Lífið Óöruggur eftir að kærastan stundaði hópkynlíf erlendis Lífið „Ákvað að skilja hana eftir þar og athuga hversu langt ég kæmist“ Lífið „Rétturinn sem fjölskyldan þín mun elska og biðja um aftur og aftur“ Lífið Frumsýning á Vísi: Iceguys trylla þjóðina enn og aftur í nýju myndbandi Tónlist Markmiðið að græða ekkert og „helst tapa pening“ Menning Flugfreyja, íþróttakona og ráðherra breyttu leiknum Lífið Fleiri fréttir Freðinn faðir, fáránlegir fasistar og fyrsta flokks bíó Veisla fyrir augu og eyru Ekki er allt gull sem glóir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Sjá meira