Gamlir jálkar í góðu stuði Trausti Júlíusson skrifar 13. nóvember 2011 09:00 Þrjár stjörnur með GRM. Tónlist. Þrjár stjörnur. GRM. Þrjár stjörnur er önnur plata ofurtríósins GRM, sem skipað er Gylfa Ægissyni, Rúnari Þór og Megasi. Á fyrri plötunni sungu þeir saman nokkur af sínum þekktustu lögum og tvö ný lög. Nú endurtaka þeir leikinn, en gera að auki sína útgáfu af laginu Betri bílar yngri konur sem Rúnar Júlíusson gerði frægt með Geimsteini á áttunda áratugnum. Fyrri platan var unnin með bræðrunum Magnúsi og Alberti Ástvaldssonum, sem einnig sáu um útsetningar. Hljómurinn á henni var ekkert sérstakur, en hráar rokkútsetningarnar virkuðu vel bæði á plötunni og á útgáfutónleikum sem haldnir voru í Austurbæ. Á Þremur stjörnum eru nýir hljóðfæraleikarar, m.a. aðrir bræður, Júlíus og Baldur synir Rúna Júl. Hljómurinn á henni er betri og útsetningarnar fágaðri og fjölbreyttari. Þannig er Í sól og sumaryl í laufléttri reggíútsetningu, Við Birkiland er kántrý og Jibbý Jei rokk. Hljóðfæraleikur er þéttur og fínn og margt gott í útsetningunum. Það eru samt persónutöfrar þessara þriggja gömlu jálka og samspil þeirra sem gerir mest fyrir Þrjár stjörnur. Ef einhver hefði haldið því fram fyrir nokkrum árum að Megas ætti eftir að syngja Stolt siglir fleyið mitt og Fallerí, fallera og Gylfi Ægisson ætti eftir að syngja Við Birkiland þá hefði maður hrist hausinn í forundran. En það er einmitt vegna þess hvað þetta samstarf er óvænt sem það virkar svona vel. Flest þessi lög eru löngu orðin sígild, en þau fá nýtt líf hér. Nýju lögin standast ekki alveg samanburð við alla klassíkina, en þau eru ágæt vibót í lagasöfn þessara snillinga. Á heildina litið má segja að Þrjár stjörnur sé fín plata. Hún kemur manni í gott skap og virkar best spiluð á miklum styrk. Niðurstaða:Gylfi, Rúnar og Megas syngja saman fleiri slagara. Mest lesið Galopnar sig og segist ætla að breyta hlutunum Lífið Freðinn faðir, fáránlegir fasistar og fyrsta flokks bíó Gagnrýni Baunar á kókaða söngkonu fyrir baktal Tónlist „Ákvað að skilja hana eftir þar og athuga hversu langt ég kæmist“ Lífið Skilin að borði og sæng eftir 28 ára hjónaband Lífið Óöruggur eftir að kærastan stundaði hópkynlíf erlendis Lífið „Rétturinn sem fjölskyldan þín mun elska og biðja um aftur og aftur“ Lífið Frumsýning á Vísi: Iceguys trylla þjóðina enn og aftur í nýju myndbandi Tónlist Útbjó lágkolvetna prógram fyrir systur sína sem léttist strax og fékk meiri orku Lífið Markmiðið að græða ekkert og „helst tapa pening“ Menning Fleiri fréttir Freðinn faðir, fáránlegir fasistar og fyrsta flokks bíó Veisla fyrir augu og eyru Ekki er allt gull sem glóir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Sjá meira
Tónlist. Þrjár stjörnur. GRM. Þrjár stjörnur er önnur plata ofurtríósins GRM, sem skipað er Gylfa Ægissyni, Rúnari Þór og Megasi. Á fyrri plötunni sungu þeir saman nokkur af sínum þekktustu lögum og tvö ný lög. Nú endurtaka þeir leikinn, en gera að auki sína útgáfu af laginu Betri bílar yngri konur sem Rúnar Júlíusson gerði frægt með Geimsteini á áttunda áratugnum. Fyrri platan var unnin með bræðrunum Magnúsi og Alberti Ástvaldssonum, sem einnig sáu um útsetningar. Hljómurinn á henni var ekkert sérstakur, en hráar rokkútsetningarnar virkuðu vel bæði á plötunni og á útgáfutónleikum sem haldnir voru í Austurbæ. Á Þremur stjörnum eru nýir hljóðfæraleikarar, m.a. aðrir bræður, Júlíus og Baldur synir Rúna Júl. Hljómurinn á henni er betri og útsetningarnar fágaðri og fjölbreyttari. Þannig er Í sól og sumaryl í laufléttri reggíútsetningu, Við Birkiland er kántrý og Jibbý Jei rokk. Hljóðfæraleikur er þéttur og fínn og margt gott í útsetningunum. Það eru samt persónutöfrar þessara þriggja gömlu jálka og samspil þeirra sem gerir mest fyrir Þrjár stjörnur. Ef einhver hefði haldið því fram fyrir nokkrum árum að Megas ætti eftir að syngja Stolt siglir fleyið mitt og Fallerí, fallera og Gylfi Ægisson ætti eftir að syngja Við Birkiland þá hefði maður hrist hausinn í forundran. En það er einmitt vegna þess hvað þetta samstarf er óvænt sem það virkar svona vel. Flest þessi lög eru löngu orðin sígild, en þau fá nýtt líf hér. Nýju lögin standast ekki alveg samanburð við alla klassíkina, en þau eru ágæt vibót í lagasöfn þessara snillinga. Á heildina litið má segja að Þrjár stjörnur sé fín plata. Hún kemur manni í gott skap og virkar best spiluð á miklum styrk. Niðurstaða:Gylfi, Rúnar og Megas syngja saman fleiri slagara.
Mest lesið Galopnar sig og segist ætla að breyta hlutunum Lífið Freðinn faðir, fáránlegir fasistar og fyrsta flokks bíó Gagnrýni Baunar á kókaða söngkonu fyrir baktal Tónlist „Ákvað að skilja hana eftir þar og athuga hversu langt ég kæmist“ Lífið Skilin að borði og sæng eftir 28 ára hjónaband Lífið Óöruggur eftir að kærastan stundaði hópkynlíf erlendis Lífið „Rétturinn sem fjölskyldan þín mun elska og biðja um aftur og aftur“ Lífið Frumsýning á Vísi: Iceguys trylla þjóðina enn og aftur í nýju myndbandi Tónlist Útbjó lágkolvetna prógram fyrir systur sína sem léttist strax og fékk meiri orku Lífið Markmiðið að græða ekkert og „helst tapa pening“ Menning Fleiri fréttir Freðinn faðir, fáránlegir fasistar og fyrsta flokks bíó Veisla fyrir augu og eyru Ekki er allt gull sem glóir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Sjá meira