Líklegt að Hofsá hafi verið ofsetinn af seiðum

Í skýrslu Þórólfs Antonssonar fiskifræðings á Veiðimálastofnun kemur fram að ástæðan fyrir minnkandi veiði í Hofsá í Vopnafirði gæti verið sú að áin var ofsetin laxaseiðum.

Umrædd skýrsla ber titilinn "Orsakir mismunandi veiði í Vopnfirskum ám síðustu árin". Þar er leitað ástæðna fyrir því hve mismiklar aflatölur hafa verið úr laxveiðiánum í Vopnafirði síðustu ár, en fram að því hafa sveiflur í laxveiði í Vopnafirði komið álíka fram í Hofsá, Selá og Vesturdalsá.

Í skýrslunni kemur fram að líklegt er að í bestu laxveiðiárum sé óþarfi að hvetja til þess að háu hlutfalli af laxi sé sleppt. Jafnframt er bent á að nauðsynlegt er að auka sleppihlutfall þegar laxveiði er lakari, þar sem laxveiðin endurspeglar laxgengdina og þar með hve mikið verður eftir í lok veiðitíma. Skýrslu Þórólfs má lesa með því að smella hér.

Birt með góðfúslegu leyfi SVFR