Ný mynd um lífsgöngu laxa á leið í bíó

Núna í apríl frumsýnir Markell ljóðræna náttúrulífsmynd sem heitir Lónbúinn og fjallar hún um lífsferil laxins. En frá því að seiðin klekjast út og þangað til þau skila sér aftur í ánna ganga þau í gegnum miklar raunir og eru í baráttu uppá líf og dauða á hverjum degi.

Myndin er tekin upp á Vesturlandi við óþekkta á þar sem laxinn hefur fengið að vera í friði frá manninum hingað til. Áin er alveg náttúrleg, þ.e. ekkert er átt við hana, hvorki með seiðasleppingum, breyttum árfarvegi eða annað. Þetta er sannkölluð paradís laxastofns.

Það tók um tvö ár að mynda og afraksturinn er nú á leið í kvikmyndahús. Hér er brot úr myndinni https://youtu.be/JTz2qk5ix2E