"Ég er Ólafía Arndís Jónsdóttir, þrettán ára ritsnillingur“ Brynhildur Heiðar- og Ómarsdóttir skrifar 19. nóvember 2012 13:32 Reisubók Ólafíu Arndísar Kristjana Friðbjörnsdóttir. Myndskreytingar: Margrét A. Laxness. JPV Útgáfa Kristjana Friðbjörnsdóttir hlaut Barnabókaverðlaun menntaráðs Reykjavíkur 2011 fyrir fyrstu bók sína um hana Ólafíu Arndísi, Flateyjarbréfin. Þar skrifar Ólafía bréf til kennara síns meðan hún er í sumarfríi á Flatey. Ári seinna er Ólafía flutt til Dalvíkur og heldur þar dagbók, í Dagbók Ólafíu Arndísar. Og nú er Ólafía farin í ferðalag með ömmu sinni. Í Reisubók Ólafíu Arndísar skrifar hún fjölskyldu sinni og þeim vinum sem hún eignaðist í fyrri bókum löng bréf á nýju spjaldtölvunni sinni. Amma Hrönn Gyða leggur upp í reisu sína til að heimsækja alla pennavini sína áður en hún deyr. Hún dregur Ólafíu með sér á húsbílnum Guddu í ævintýraferð um Austfirðina og Skán í Svíþjóð. Í förina bætast svo við æskuvinkona ömmu, Gríma, og Indía, jafnaldra Ólafíu sem býr yfir sorglegu leyndarmáli. Reisubók Ólafíu Arndísar er lauflétt bók yfirlestrar. Ólafía er skemmtilegur sögumaður og mikil gleði einkennir frásögnina. Fíngerðar myndskreytingar Margrétar E. Laxness lífga svo upp á textann, þó þær bæti kannski engu sérstöku við söguna. Vinskapur og líf kvenna er þungamiðja bókarinnar. Amma Hrönn Gyða heimsækir æskuvini sína og Ólafía ræktar sína vini í bréfum sínum, eignast nýja vini og heitir því í lok bókarinnar að halda við þeim vinskap. För Ólafíu, ömmu og Indíu endurspeglast svo í bókinni sem þær lesa allar saman á leiðinni, Reisubók Guðríðar Símonardóttur eftir Steinunni Jóhannesdóttur, bók sem segir frá ferðalögum Tyrkja-Guddu endur fyrir löngu. Tyrkja-Gudda og ferðalag hennar eru leiðarstef í bók Kristjönu. Ég velti fyrir mér hvort að þetta sé lokabókin í barnabókaflokknum um Ólafíu. Í lok bókar hefur fjölskylda hennar flutt enn á ný, í þetta skipti til Hveragerðis, og mætti ætla að þar gæti Ólafía ritað fjórða kaflann í lífsför sinni. En ég spyr mig hvort Ólafía Arndís sé orðin of gömul til að lifa góðu lífi milli spjalda barnabóka. Reisubók Ólafíu Arndísar er ætluð aldurshópnum 7-12 ára, en í lok bókar er Ólafía komin í gaggó. Ólafía virtist í bókinni eiginlega of saklaus, of hrekklaus til að vera komin á gelgjuna. Er kannski kominn tími á unglingabók um Ólafíu Arndísi? Niðurstaða: Skemmtileg ferðasaga 13 ára stúlku um Austfirði og Svíþjóð. Hressilega skrifuð, fyndin á köflum og fallega myndskreytt. Auðveld yfirlestrar, með stóru og skýru letri fyrir aldurshópinn 7-12 ára. Gagnrýni Mest lesið Óöruggur eftir að kærastan stundaði hópkynlíf erlendis Lífið Baunar á kókaða söngkonu fyrir baktal Tónlist Freðinn faðir, fáránlegir fasistar og fyrsta flokks bíó Gagnrýni „Ákvað að skilja hana eftir þar og athuga hversu langt ég kæmist“ Lífið „Rétturinn sem fjölskyldan þín mun elska og biðja um aftur og aftur“ Lífið Frumsýning á Vísi: Iceguys trylla þjóðina enn og aftur í nýju myndbandi Tónlist Þessi litla breyting breytti í raun öllu! Lífið samstarf Skilin að borði og sæng eftir 28 ára hjónaband Lífið Flugfreyja, íþróttakona og ráðherra breyttu leiknum Lífið Markmiðið að græða ekkert og „helst tapa pening“ Menning Fleiri fréttir Freðinn faðir, fáránlegir fasistar og fyrsta flokks bíó Veisla fyrir augu og eyru Ekki er allt gull sem glóir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Sjá meira
Reisubók Ólafíu Arndísar Kristjana Friðbjörnsdóttir. Myndskreytingar: Margrét A. Laxness. JPV Útgáfa Kristjana Friðbjörnsdóttir hlaut Barnabókaverðlaun menntaráðs Reykjavíkur 2011 fyrir fyrstu bók sína um hana Ólafíu Arndísi, Flateyjarbréfin. Þar skrifar Ólafía bréf til kennara síns meðan hún er í sumarfríi á Flatey. Ári seinna er Ólafía flutt til Dalvíkur og heldur þar dagbók, í Dagbók Ólafíu Arndísar. Og nú er Ólafía farin í ferðalag með ömmu sinni. Í Reisubók Ólafíu Arndísar skrifar hún fjölskyldu sinni og þeim vinum sem hún eignaðist í fyrri bókum löng bréf á nýju spjaldtölvunni sinni. Amma Hrönn Gyða leggur upp í reisu sína til að heimsækja alla pennavini sína áður en hún deyr. Hún dregur Ólafíu með sér á húsbílnum Guddu í ævintýraferð um Austfirðina og Skán í Svíþjóð. Í förina bætast svo við æskuvinkona ömmu, Gríma, og Indía, jafnaldra Ólafíu sem býr yfir sorglegu leyndarmáli. Reisubók Ólafíu Arndísar er lauflétt bók yfirlestrar. Ólafía er skemmtilegur sögumaður og mikil gleði einkennir frásögnina. Fíngerðar myndskreytingar Margrétar E. Laxness lífga svo upp á textann, þó þær bæti kannski engu sérstöku við söguna. Vinskapur og líf kvenna er þungamiðja bókarinnar. Amma Hrönn Gyða heimsækir æskuvini sína og Ólafía ræktar sína vini í bréfum sínum, eignast nýja vini og heitir því í lok bókarinnar að halda við þeim vinskap. För Ólafíu, ömmu og Indíu endurspeglast svo í bókinni sem þær lesa allar saman á leiðinni, Reisubók Guðríðar Símonardóttur eftir Steinunni Jóhannesdóttur, bók sem segir frá ferðalögum Tyrkja-Guddu endur fyrir löngu. Tyrkja-Gudda og ferðalag hennar eru leiðarstef í bók Kristjönu. Ég velti fyrir mér hvort að þetta sé lokabókin í barnabókaflokknum um Ólafíu. Í lok bókar hefur fjölskylda hennar flutt enn á ný, í þetta skipti til Hveragerðis, og mætti ætla að þar gæti Ólafía ritað fjórða kaflann í lífsför sinni. En ég spyr mig hvort Ólafía Arndís sé orðin of gömul til að lifa góðu lífi milli spjalda barnabóka. Reisubók Ólafíu Arndísar er ætluð aldurshópnum 7-12 ára, en í lok bókar er Ólafía komin í gaggó. Ólafía virtist í bókinni eiginlega of saklaus, of hrekklaus til að vera komin á gelgjuna. Er kannski kominn tími á unglingabók um Ólafíu Arndísi? Niðurstaða: Skemmtileg ferðasaga 13 ára stúlku um Austfirði og Svíþjóð. Hressilega skrifuð, fyndin á köflum og fallega myndskreytt. Auðveld yfirlestrar, með stóru og skýru letri fyrir aldurshópinn 7-12 ára.
Gagnrýni Mest lesið Óöruggur eftir að kærastan stundaði hópkynlíf erlendis Lífið Baunar á kókaða söngkonu fyrir baktal Tónlist Freðinn faðir, fáránlegir fasistar og fyrsta flokks bíó Gagnrýni „Ákvað að skilja hana eftir þar og athuga hversu langt ég kæmist“ Lífið „Rétturinn sem fjölskyldan þín mun elska og biðja um aftur og aftur“ Lífið Frumsýning á Vísi: Iceguys trylla þjóðina enn og aftur í nýju myndbandi Tónlist Þessi litla breyting breytti í raun öllu! Lífið samstarf Skilin að borði og sæng eftir 28 ára hjónaband Lífið Flugfreyja, íþróttakona og ráðherra breyttu leiknum Lífið Markmiðið að græða ekkert og „helst tapa pening“ Menning Fleiri fréttir Freðinn faðir, fáránlegir fasistar og fyrsta flokks bíó Veisla fyrir augu og eyru Ekki er allt gull sem glóir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Sjá meira