Í hjarta veraldar Friðrika Benónýsdóttir skrifar 18. júní 2012 17:30 Í bókinni Kattahirðir í Trékyllisvík segir af ferðalagi höfundar norður á Strandir til að gæta katta bróður síns. Bækur. Kattahirðir í Trékyllisvík. Elísabet Jökulsdóttir. Viti menn. Á Ströndum ræður tíminn í öllu sínu veldi, sá tími sem það tekur ölduna að falla að landi, skriðuna að hrynja úr fjallinu, selinn að stinga upp kollinum, eggið að klekjast út. Tíminn sem það tekur að vakna og sofna. Tíminn frá því ég hafði verið hér síðast og tíminn þar til ég kæmi aftur. Tíminn geymdur í hjarta mínu.(bls. 15) Í bókinni Kattahirðir í Trékyllisvík segir af ferðalagi höfundar norður á Strandir til að gæta katta bróður síns. Inn í frásögnina fléttast upprifjanir frá löngu liðnum tíma, öðrum heimsóknum þangað norður, ást og einsemd, skáldskap og skemmtilegu fólki. Bókin skiptist í fimm kafla, einn kaflinn inniheldur söguna af ferðalaginu í tíma og rúmi, hinir fjórir eru ljóð sem spretta upp úr náttúru og dýralífi, daglegu lífi á hjara veraldar, fólkinu í hreppnum, fornum ástum og leit að tilgangi. Elísabet er einna persónulegust núskrifandi höfunda á Íslandi. Það er hennar eigið líf sem hér er til umfjöllunar og engin fjöður dregin yfir það. Hún er nokkurs konar Þórbergur samtímans, kryfur sjálfa sig og líf sitt, leitar svara við eigin lífsgátu í gegnum samskipti sín við fólk og náttúru. Strandirnar eiga sérstakan stað í hjarta hennar og í einsemd kyrrðarinnar fer hún með lesandann í ferðalag um sögu sína þar í nútíð og samtíð, um leið og náttúran sjálf, fegurðin og tignin ráða lögum og lofum í textanum og lesandinn sér og finnur áhrif hennar á skáldið, sogast með inn í þennan heim sem gjarnan er sagt að sé á hjara veraldar en er kannski, eins og Elísabet bendir á, í hjarta veraldar. Ljóðin eru að mestum hluta náttúrustemningar og persónulýsingar. Knappar myndir sem varpað er upp eins og myndum á skjá, án orðskrúðs og málalenginga: Alda fellur að alda fellur frá í huganum öldurót. (Á göngu bls. 42) Kattahirðir í Trékyllisvík er án nokkurs vafa besta bók Elísabetar. Einlægur og hófstilltur texti þar sem undir krauma ástríður, vonbrigði og gamlar sorgir en um leið nýr þroski, sátt og sú fullvissa að lífið sé harla gott, þrátt fyrir allt. Niðurstaða: Besta bók Elísabetar. Einlægur og fallegur texti og knöpp ljóð með sterku myndmáli sem fara með lesandann í ferðalag inn í hjarta veraldar. Mest lesið Galopnar sig og segist ætla að breyta hlutunum Lífið Freðinn faðir, fáránlegir fasistar og fyrsta flokks bíó Gagnrýni Baunar á kókaða söngkonu fyrir baktal Tónlist „Ákvað að skilja hana eftir þar og athuga hversu langt ég kæmist“ Lífið Óöruggur eftir að kærastan stundaði hópkynlíf erlendis Lífið Skilin að borði og sæng eftir 28 ára hjónaband Lífið Útbjó lágkolvetna prógram fyrir systur sína sem léttist strax og fékk meiri orku Lífið „Rétturinn sem fjölskyldan þín mun elska og biðja um aftur og aftur“ Lífið Frumsýning á Vísi: Iceguys trylla þjóðina enn og aftur í nýju myndbandi Tónlist Markmiðið að græða ekkert og „helst tapa pening“ Menning Fleiri fréttir Freðinn faðir, fáránlegir fasistar og fyrsta flokks bíó Veisla fyrir augu og eyru Ekki er allt gull sem glóir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Sjá meira
Bækur. Kattahirðir í Trékyllisvík. Elísabet Jökulsdóttir. Viti menn. Á Ströndum ræður tíminn í öllu sínu veldi, sá tími sem það tekur ölduna að falla að landi, skriðuna að hrynja úr fjallinu, selinn að stinga upp kollinum, eggið að klekjast út. Tíminn sem það tekur að vakna og sofna. Tíminn frá því ég hafði verið hér síðast og tíminn þar til ég kæmi aftur. Tíminn geymdur í hjarta mínu.(bls. 15) Í bókinni Kattahirðir í Trékyllisvík segir af ferðalagi höfundar norður á Strandir til að gæta katta bróður síns. Inn í frásögnina fléttast upprifjanir frá löngu liðnum tíma, öðrum heimsóknum þangað norður, ást og einsemd, skáldskap og skemmtilegu fólki. Bókin skiptist í fimm kafla, einn kaflinn inniheldur söguna af ferðalaginu í tíma og rúmi, hinir fjórir eru ljóð sem spretta upp úr náttúru og dýralífi, daglegu lífi á hjara veraldar, fólkinu í hreppnum, fornum ástum og leit að tilgangi. Elísabet er einna persónulegust núskrifandi höfunda á Íslandi. Það er hennar eigið líf sem hér er til umfjöllunar og engin fjöður dregin yfir það. Hún er nokkurs konar Þórbergur samtímans, kryfur sjálfa sig og líf sitt, leitar svara við eigin lífsgátu í gegnum samskipti sín við fólk og náttúru. Strandirnar eiga sérstakan stað í hjarta hennar og í einsemd kyrrðarinnar fer hún með lesandann í ferðalag um sögu sína þar í nútíð og samtíð, um leið og náttúran sjálf, fegurðin og tignin ráða lögum og lofum í textanum og lesandinn sér og finnur áhrif hennar á skáldið, sogast með inn í þennan heim sem gjarnan er sagt að sé á hjara veraldar en er kannski, eins og Elísabet bendir á, í hjarta veraldar. Ljóðin eru að mestum hluta náttúrustemningar og persónulýsingar. Knappar myndir sem varpað er upp eins og myndum á skjá, án orðskrúðs og málalenginga: Alda fellur að alda fellur frá í huganum öldurót. (Á göngu bls. 42) Kattahirðir í Trékyllisvík er án nokkurs vafa besta bók Elísabetar. Einlægur og hófstilltur texti þar sem undir krauma ástríður, vonbrigði og gamlar sorgir en um leið nýr þroski, sátt og sú fullvissa að lífið sé harla gott, þrátt fyrir allt. Niðurstaða: Besta bók Elísabetar. Einlægur og fallegur texti og knöpp ljóð með sterku myndmáli sem fara með lesandann í ferðalag inn í hjarta veraldar.
Mest lesið Galopnar sig og segist ætla að breyta hlutunum Lífið Freðinn faðir, fáránlegir fasistar og fyrsta flokks bíó Gagnrýni Baunar á kókaða söngkonu fyrir baktal Tónlist „Ákvað að skilja hana eftir þar og athuga hversu langt ég kæmist“ Lífið Óöruggur eftir að kærastan stundaði hópkynlíf erlendis Lífið Skilin að borði og sæng eftir 28 ára hjónaband Lífið Útbjó lágkolvetna prógram fyrir systur sína sem léttist strax og fékk meiri orku Lífið „Rétturinn sem fjölskyldan þín mun elska og biðja um aftur og aftur“ Lífið Frumsýning á Vísi: Iceguys trylla þjóðina enn og aftur í nýju myndbandi Tónlist Markmiðið að græða ekkert og „helst tapa pening“ Menning Fleiri fréttir Freðinn faðir, fáránlegir fasistar og fyrsta flokks bíó Veisla fyrir augu og eyru Ekki er allt gull sem glóir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Sjá meira