Valdarán Sif Sigmarsdóttir skrifar 13. september 2012 06:00 Svertingjar, mikið ósköp eruð þið orðnir þreytandi með þetta jafnréttistal ykkar, það er orðið að þráhyggju. Það má bara ekki ráða hvítan mann í góðu störfin, þá byrjið þið að vola – hvað um verri störfin – þar heyrist ekkert í ykkur. Þið eruð farnir að ganga á rétt hvítra. Hafið þið, svertingjar, hugsað út í það, hvort yfir höfuð stjórnmál séu réttu störfin fyrir svertingja? Hafið þið hugleitt hvort allt ruglið sé af því að þið eruð orðnir of margir í störfum sem þið valdið ekki. Þið skulið hugsa þessi mál, en ekki vera með þennan yfirgang. Lífið á að vera ganga hvers og eins á eigin forsendu, og hver og einn á að vita sín takmörk. Ef morgunkaffið þitt frussaðist yfir Fréttablaðið biðst ég velvirðingar. Flestir sem lesa ofangreinda efnisgrein geta sammælst um að þarna fari fornfálegur hugsunarháttur; hugsunarháttur sem var við líði áður en Rosa Parks neitaði að standa upp fyrir hvítum manni í strætó; þankagangur tíma áður en fólk lét sig mannréttindi varða. Sé orðið „kona" hins vegar sett í staðinn fyrir orðið „svertingi" horfir málið öðruvísi við. Orðræðan er ekki lengur fornfáleg. Um er að ræða orðræðu samtímans; orðræðuna á Íslandi árið 2012. Textinn að ofan styðst við aðsenda grein Stefaníu Jónasdóttur sem birtist í Morgunblaðinu í síðustu viku nema hvað í grein hennar er konum lesinn pistillinn fyrir að „ganga á rétt drengja og karla" þegar kemur að tækifærum samfélagsins. Innlegg Stefaníu í jafnréttisumræðuna væri hin besta skemmtun ef ekki væri fyrir þær ógnvekjandi sakir að hún á sér fjölda skoðanasystkina. Undanfarin misseri er sem gripið hafi um sig ofstopafull vænisýki í garð þeirra sem láta sig jafnrétti kynjanna varða. Það er eins og sumir trúi á eitthvert samsæri kvenna. Að í bígerð sé valdarán byggt á frekju og hatri á karlmönnum og markmiðið sé ekki jafnrétti heldur alger yfirráð sem felist í að hlekkja alla með Y-litning við eldavél og græða í lófa þeirra skúringakúst. En þeim sem kúldrast í skotgröfum kommentakerfa internetsins með bogana spennta tilbúnir að verjast byltingunni er óhætt að fara í hvíldarstöðu. Tölfræðin sýnir að langt er í þessa valdatöku kvenþjóðarinnar. Af 200 launahæstu einstaklingum landsins eru tólf prósent konur. Samkvæmt nýjustu tölum OECD er launamunur kynjanna 13,5%. Konur eru 20% framkvæmdastjóra fyrirtækja landsins. Af tólf dómurum í Hæstarétti eru tvær konur. Ritstjórar allra helstu dagblaða landsins eru karlmenn. Stefanía og félagar geta andað léttar. Staða konunnar „bak við eldavélina" virðist tryggð enn um sinn. Viltu birta grein á Vísi? Sendu okkur póst. Senda grein Sif Sigmarsdóttir Mest lesið Sex ára sáttmáli Davíð Þorláksson Skoðun Áskorun til ríkisstjórnarinnar: Innleiðum birgðaskyldu á eldsneyti Halla Hrund Logadóttir Skoðun Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir Skoðun Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir Skoðun Viðreisn lætur verkin tala Þorgerður Katrín Gunnarsdóttir Skoðun Skapandi menntun skilar raunverulegum árangri Bryngeir Valdimarsson Skoðun Sterk staða Hafnarfjarðar Orri Björnsson Skoðun Pjattkratar taka til Þorsteinn Sæmundsson Skoðun Vaxtamunarviðskipti láta aftur á sér kræla Jökull Sólberg Auðunsson Skoðun Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun
Svertingjar, mikið ósköp eruð þið orðnir þreytandi með þetta jafnréttistal ykkar, það er orðið að þráhyggju. Það má bara ekki ráða hvítan mann í góðu störfin, þá byrjið þið að vola – hvað um verri störfin – þar heyrist ekkert í ykkur. Þið eruð farnir að ganga á rétt hvítra. Hafið þið, svertingjar, hugsað út í það, hvort yfir höfuð stjórnmál séu réttu störfin fyrir svertingja? Hafið þið hugleitt hvort allt ruglið sé af því að þið eruð orðnir of margir í störfum sem þið valdið ekki. Þið skulið hugsa þessi mál, en ekki vera með þennan yfirgang. Lífið á að vera ganga hvers og eins á eigin forsendu, og hver og einn á að vita sín takmörk. Ef morgunkaffið þitt frussaðist yfir Fréttablaðið biðst ég velvirðingar. Flestir sem lesa ofangreinda efnisgrein geta sammælst um að þarna fari fornfálegur hugsunarháttur; hugsunarháttur sem var við líði áður en Rosa Parks neitaði að standa upp fyrir hvítum manni í strætó; þankagangur tíma áður en fólk lét sig mannréttindi varða. Sé orðið „kona" hins vegar sett í staðinn fyrir orðið „svertingi" horfir málið öðruvísi við. Orðræðan er ekki lengur fornfáleg. Um er að ræða orðræðu samtímans; orðræðuna á Íslandi árið 2012. Textinn að ofan styðst við aðsenda grein Stefaníu Jónasdóttur sem birtist í Morgunblaðinu í síðustu viku nema hvað í grein hennar er konum lesinn pistillinn fyrir að „ganga á rétt drengja og karla" þegar kemur að tækifærum samfélagsins. Innlegg Stefaníu í jafnréttisumræðuna væri hin besta skemmtun ef ekki væri fyrir þær ógnvekjandi sakir að hún á sér fjölda skoðanasystkina. Undanfarin misseri er sem gripið hafi um sig ofstopafull vænisýki í garð þeirra sem láta sig jafnrétti kynjanna varða. Það er eins og sumir trúi á eitthvert samsæri kvenna. Að í bígerð sé valdarán byggt á frekju og hatri á karlmönnum og markmiðið sé ekki jafnrétti heldur alger yfirráð sem felist í að hlekkja alla með Y-litning við eldavél og græða í lófa þeirra skúringakúst. En þeim sem kúldrast í skotgröfum kommentakerfa internetsins með bogana spennta tilbúnir að verjast byltingunni er óhætt að fara í hvíldarstöðu. Tölfræðin sýnir að langt er í þessa valdatöku kvenþjóðarinnar. Af 200 launahæstu einstaklingum landsins eru tólf prósent konur. Samkvæmt nýjustu tölum OECD er launamunur kynjanna 13,5%. Konur eru 20% framkvæmdastjóra fyrirtækja landsins. Af tólf dómurum í Hæstarétti eru tvær konur. Ritstjórar allra helstu dagblaða landsins eru karlmenn. Stefanía og félagar geta andað léttar. Staða konunnar „bak við eldavélina" virðist tryggð enn um sinn.
Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir Skoðun
Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir Skoðun
Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun
Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir Skoðun
Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir Skoðun
Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun