Hvernig er hægt að sleppa lifandi úr þessu? Finnur Thorlacius skrifar 20. mars 2013 00:01 Ökumaður bílsins enn í bílnum og slökkviliðsmenn reyna að ná honum út. Lög um lágmarkshæð afturhluta vöru- og flutningabíla í Bandaríkjunum er 22 tommur. Fæstum þætti líklegt að ökumaður þessarar Corvettu hefði komist lífs af úr þessu slysi sem á myndinni sést. En snögg viðbrögð hans rétt fyrir áreksturinn við flutningabílinn, er hann lét sig renna niður eftir sætinu, komu í veg fyrir að hann væri nú höfðinu styttri. Það sem meira er, áverkar hans voru minniháttar. Slysið gerðist í nágrenni Los Angeles í þessum mánuði. Það kom í hlut slökkviliðsmanna að losa ökumanninn úr bílnum og tókst það ekki fyrr en flutningabíllinn hafði verið tjakkaður upp. Árið 1967 voru sett lög í Bandaríkjunum sem ákvörðuðu þá lágmarkshæð frá jörðu sem stuðarar flutninga- og vörubíla þurfa að hafa, eða 22 tommur frá jörðu. Voru lögin sett í kjölfar sviplegs dauða leikkonunnar Jayne Mansfield, en bíll hennar endaði einmitt undir vörubíl með of háan afturenda og klipptist eftri hluti bílsins af. Þrátt fyrir lögin hafa margir haft áhyggjur vegna sportbíla, sem eru lægri en venjulegir bílar og sannaðist það í þessu slysi þar sem húdd hans endar allt undir flutningabílnum. Mest lesið Bein útsending: Konur streyma á Arnarhól Innlent Rýnt í stöðuna í Úkraínu: Trump stendur loks við stóru orðin Erlent Sættir sig ekki við sýknu tálbeitunnar Innlent Blöskrar „vælið“ vegna Norðuráls Innlent Allt að áttatíu þúsund mæti í miðbæinn og götulokanir í gildi Innlent Meinað að taka þátt þar sem hún þurfti að hafa barnið með sér Innlent „Fyrst og fremst erum við að biðja um að fá að vera skráð í okkar hús“ Innlent Íslendingar meðal sakborninga en enginn í varðhaldi Innlent Þjóðin klofin í afstöðu til þess hvort jafnrétti kynjanna hafi verið náð Innlent Lofar látum og vísar gagnrýni Samtaka atvinnulífsins á bug Innlent
Lög um lágmarkshæð afturhluta vöru- og flutningabíla í Bandaríkjunum er 22 tommur. Fæstum þætti líklegt að ökumaður þessarar Corvettu hefði komist lífs af úr þessu slysi sem á myndinni sést. En snögg viðbrögð hans rétt fyrir áreksturinn við flutningabílinn, er hann lét sig renna niður eftir sætinu, komu í veg fyrir að hann væri nú höfðinu styttri. Það sem meira er, áverkar hans voru minniháttar. Slysið gerðist í nágrenni Los Angeles í þessum mánuði. Það kom í hlut slökkviliðsmanna að losa ökumanninn úr bílnum og tókst það ekki fyrr en flutningabíllinn hafði verið tjakkaður upp. Árið 1967 voru sett lög í Bandaríkjunum sem ákvörðuðu þá lágmarkshæð frá jörðu sem stuðarar flutninga- og vörubíla þurfa að hafa, eða 22 tommur frá jörðu. Voru lögin sett í kjölfar sviplegs dauða leikkonunnar Jayne Mansfield, en bíll hennar endaði einmitt undir vörubíl með of háan afturenda og klipptist eftri hluti bílsins af. Þrátt fyrir lögin hafa margir haft áhyggjur vegna sportbíla, sem eru lægri en venjulegir bílar og sannaðist það í þessu slysi þar sem húdd hans endar allt undir flutningabílnum.
Mest lesið Bein útsending: Konur streyma á Arnarhól Innlent Rýnt í stöðuna í Úkraínu: Trump stendur loks við stóru orðin Erlent Sættir sig ekki við sýknu tálbeitunnar Innlent Blöskrar „vælið“ vegna Norðuráls Innlent Allt að áttatíu þúsund mæti í miðbæinn og götulokanir í gildi Innlent Meinað að taka þátt þar sem hún þurfti að hafa barnið með sér Innlent „Fyrst og fremst erum við að biðja um að fá að vera skráð í okkar hús“ Innlent Íslendingar meðal sakborninga en enginn í varðhaldi Innlent Þjóðin klofin í afstöðu til þess hvort jafnrétti kynjanna hafi verið náð Innlent Lofar látum og vísar gagnrýni Samtaka atvinnulífsins á bug Innlent