Hvernig væri að baka hollt brauð á þessum fallega sunnudegi?

Linda Hilmarsdóttir framkvæmdastjóri Hress í Hafnarfirði eða Linda í HRESS eins og hún er kölluð gefur okkur holla og gómsæta brauðuppskrift á þessum fallega sunnudegi. 

"Þetta er mjög þægileg uppskrift þar sem ekki þarf neinar græjur nema bakaraofn og bolla til að framkvæma. Engin vog eða vesen. Ég er ekki mikill bakari en þetta brauð geri ég reglulega mér og mínum til ánægju," segir Linda.

HAPP brauð með smá HRESS tvisti

3 bollar heilhveiti (bygg eða spelt - ég helli stundum einum bolla af próteinisjeik dufti út í)

1 1/2 bolli muslí (eða afgangar af grófu morgunkorni)

4 tsk lyftiduft

3/4 bolli volgt vatn

1/2 bolli AB mjólk ( jógúrt, súrmjólk, sýrður rjómi eða kotasæla)

1/2 bolli rúsinur

1/2 bolli grasker (eða önnur fræ eins og Chiafræ)

1/2 bolli sólfræ



Aðferð: Öllu blandað vel saman í hrærivel eða handhrært sem ég geri. Síðan sett í jólakökuform við 180° í ca. 45-50 mínútur.