Audi quattro bílar á palli

Audi A6 Allroad, A7 quattro, Q3 quattro, Q5 quattro og Q7 quattro sýndir.

Á morgun, laugardag verður hægt að berja augum Audi Quattro bíla í sýningarsal Heklu að Laugavegi. Bílarnir sem til sýnis verða eru fólksbílarnir Audi A6 Allroad, A7 quattro, jepplingarnir Q3 quattro og Q5 quattro og jeppinn Q7 quattro. Opið verður milli 12 og 16 á morgun.

Quattro fjórhjóladrifið kom fyrst fram á sjónarsviðið árið 1980 þegar Audi afhjúpaði hinn goðsagnakennda Quattro, bílinn sem heillaði bílaáhugamenn heimsins upp úr skónum og skipaði Audi í fremstu röð bílaframleiðenda. Þó að hverri nýrri kynslóð hafi fylgt nýjar umbætur er hugmyndafræðin alltaf sú sama. Rétt eins og hemlabúnaður á hverju hjóli skilar sér í virkari hemlun tryggir sítengt aldrif á öllum hjólum skjótari viðbrögð og betra veggrip. Útkoman er öruggur og þægilegur akstur sem hentar ekki síst við misjafnar íslenskar aðstæður.