Ræst út á Herminator Invitational | Myndir

Leikur er hafinn á árlegu styrktarmóti knattspyrnukappans Hermanns Hreiðarssonar í golfi. Í ár er keppt á golfvelli Leynis á Akranesi.

Hefð er fyrir því að menn mæti í grímubúningum eða glæsilegum golfklæðnaði á mótið. Fjölmargir þekktir einstaklingar eru á meðal þátttakenda og má þar nefna David James, Steinda Jr. og Erp Eyvindarson.

Hermann og Þorsteinn Hallgrímsson voru prúðbúnir rétt áður en fyrstu höggin voru slegin á Skaganum í dag. Í kvöld fer svo fram hátíðarkvöldverður í Iðusölum í Lækjargötu. Þar fer einnig fram uppboð en allur ágóði rennur til góðs málefnis.

Bleikur virðist vera vinsælasti litur dagsins ef marka má skyrtuval félaganna Sigga Hlö og Valla Sport.

Hermann Hreiðarsson og David James eru í góðum gír á Skaganum. Hermann og James léku saman hjá Portsmouth á Englandi og urðu meðal annars bikarmeistarar árið 2008.

Tveir Eyjapeyjar, Þorsteinn Hallgrímsson og David James. Greinilegt er að ástin svífur yfir vötnunum á mótinu.