Rafmagnsstrætó án hleðslustöðva Finnur Thorlacius skrifar 7. ágúst 2013 10:18 Það er næsta óhugsandi að ökutæki geti ekið endalaust og þurfi aldrei að stoppa til að hlaða orku, hvort sem það er í formi rafmagns eða jarðefnaeldsneytis. Það er samt raunin með þessa strætisvagna í borginni Gumi í S-Kóreu. Vagnarnir fá raforku þráðlaust úr götunum sem þeir fara um, en undir yfirborði þeirra leynast þræðir sem þeir hlaða raforku úr. Rafgeymar vagnanna eru þrisvar sinnum minni en í hefðbundnum rafmagnsstrætóum, en þeir þurfa ekki að vera stærri þar sem þeir eru hlaðnir jafnóðum og af þeim tæmist. Vagnarnir hafa 17 cm veghæð, sem er hentugt fyrir hleðslu þeirra og þeir nýta 85% þeirrar orku sem þeir hlaða frá veginum. Hleðslutæknin sem strætóarnir nýtast við er orðin tveggja ára gömul og var fyrst notuð í vagna sem óku um dýragarð og skemmtigarð í Seul í S-Kóreu en hugmyndir eru uppi um að setja upp svona kerfi í nokkrum borgum í landinu á næstu árum. Einn kostur þessarar tækni er að ekki þarf að leggja samfelldar hleðslulínur í göturnar sem strætóarnir fara um, nóg er að leggja þær á hluta þeirra og þær gefa ekki rafmagn nema strætóarnir fari yfir þá. Svona kerfi verða einnig sett upp á flugvellinum í Kuala Lumpur í Malasíu og í borginni Park City í Utah fylki í Bandaríkjunum. Mest lesið Rússar gerðir afturreka með óvæntar tillögur á allsherjarþingi SÞ Erlent Gekk nakinn í veg fyrir bíla á Suðurlandsvegi Innlent Fimmti hver myndi helst velja að flytja til Danmerkur Innlent Tilkynnt um helst til ungan ökumann Innlent Ómetanleg vinátta eftir lífsbjörg Innlent Trump útilokar að bjóða sig fram aftur Erlent Ánægður með frumvarp sjálfstæðismanna Innlent Jafnaðarmenn báru nauman sigur úr býtum Erlent Starfsmenn flýja framboð Robinson eftir „svartur nasisti“-hneykslið Erlent Ísraelar ráðast í umfangsmiklar loftárásir og hvetja íbúa til að flýja Erlent
Það er næsta óhugsandi að ökutæki geti ekið endalaust og þurfi aldrei að stoppa til að hlaða orku, hvort sem það er í formi rafmagns eða jarðefnaeldsneytis. Það er samt raunin með þessa strætisvagna í borginni Gumi í S-Kóreu. Vagnarnir fá raforku þráðlaust úr götunum sem þeir fara um, en undir yfirborði þeirra leynast þræðir sem þeir hlaða raforku úr. Rafgeymar vagnanna eru þrisvar sinnum minni en í hefðbundnum rafmagnsstrætóum, en þeir þurfa ekki að vera stærri þar sem þeir eru hlaðnir jafnóðum og af þeim tæmist. Vagnarnir hafa 17 cm veghæð, sem er hentugt fyrir hleðslu þeirra og þeir nýta 85% þeirrar orku sem þeir hlaða frá veginum. Hleðslutæknin sem strætóarnir nýtast við er orðin tveggja ára gömul og var fyrst notuð í vagna sem óku um dýragarð og skemmtigarð í Seul í S-Kóreu en hugmyndir eru uppi um að setja upp svona kerfi í nokkrum borgum í landinu á næstu árum. Einn kostur þessarar tækni er að ekki þarf að leggja samfelldar hleðslulínur í göturnar sem strætóarnir fara um, nóg er að leggja þær á hluta þeirra og þær gefa ekki rafmagn nema strætóarnir fari yfir þá. Svona kerfi verða einnig sett upp á flugvellinum í Kuala Lumpur í Malasíu og í borginni Park City í Utah fylki í Bandaríkjunum.
Mest lesið Rússar gerðir afturreka með óvæntar tillögur á allsherjarþingi SÞ Erlent Gekk nakinn í veg fyrir bíla á Suðurlandsvegi Innlent Fimmti hver myndi helst velja að flytja til Danmerkur Innlent Tilkynnt um helst til ungan ökumann Innlent Ómetanleg vinátta eftir lífsbjörg Innlent Trump útilokar að bjóða sig fram aftur Erlent Ánægður með frumvarp sjálfstæðismanna Innlent Jafnaðarmenn báru nauman sigur úr býtum Erlent Starfsmenn flýja framboð Robinson eftir „svartur nasisti“-hneykslið Erlent Ísraelar ráðast í umfangsmiklar loftárásir og hvetja íbúa til að flýja Erlent