Bílar

Infinity með 4 hurða sportbíl

Finnur Thorlacius skrifar
Útlit nýs 4 hurða sportbíls yrði fengið frá þessum Infinity Essence Concept sem sýndur var á bílasýningunni í Genf árið 2009.
Útlit nýs 4 hurða sportbíls yrði fengið frá þessum Infinity Essence Concept sem sýndur var á bílasýningunni í Genf árið 2009.
Í viðleitni sinni við að staðsetja Infinity lúxusmerkið enn lengra frá Nissan merkinu ætlar Infinity að bæta við fjögurra hurða stórum og sportlegum fólksbíl í framleiðslulínu sína. Það væri kannski frumlegt ef að Infinity væri ekki einmitt að eltast við Porsche Panamera bílinn, en bíllinn verður á stærð við hann og líklega boðinn með Hybrid kerfi, rétt eins og fá má Panamera.

Ekki er enn komið grænt ljós á þennan bíl, en forsvarsmenn Infinity segja að fyrst þurfi þeir að selja slatta af Q50 og Q60 bílum, en þeir eru báðir tiltölulega nýkomnir á markað. Ef þeir bílar seljast ekki vel gæti brugðið til beggja vona með framleiðslu þessa nýja bíls. Á teikniborði Infinity liggur einnig tveggja sæta sportbíll sem er með vélina í miðju bílsins.

Mest lesið




×

Mest lesið