Lætur mömmu geyma Óskarinn

Foreldrar leikkonunnar Jennifer Lawrence geyma Óskarsverðlaunastyttu hennar á heimili þeirra í Kentucky. Lawrence hlaut verðlaunin fyrir leik sinn í kvikmyndinni Silver Linings Playbook.

„Foreldrar mínir fóru með styttuna til Kentucky af því mér þótti skrítin tilhugsun að hafa hana til sýnis heima hjá mér. Fyrst setti ég hana á hillu gegnt baðherberginu og mömmu þótti það ekki við hæfi. Nú stendur hún á píanóinu hennar í Kentucky,“ sagði leikkonan.

Hún fer næst með hlutverk í ævintýramyndinni Hunger Games: Catching Fire, en þar leikur hún sem áður hetjuna Katniss Everdeen.

Myndin verður frumsýnd í lok nóvember.