Ferskir vindar á Airwaves Jónas Sen skrifar 4. nóvember 2013 10:00 Nordic Affect Tónlist: Nordic Affect frumflutti tónlist eftir Huga Guðmundsson og Maríu Huld Markan Sigfúsdóttur í Kaldalóni í Hörpu, föstudaginn 1. nóvember á Airwaves. Nordic Affect er heitið á kammerhópi sem hefur sérhæft sig í að leika verk frá 17. og 18. öld. En ekki bara það, heldur líka í frumflutningi nýrra tónsmíða sem eru smekklega settar inn í eldri dagskrá. Útkoman er oft frábærlega skemmtileg. Tónlistin smitar út frá sér, sú eldri fær á sig ferskan andblæ nútímans, og nýja músíkin verður enn nýstárlegri í samhengi liðinna alda. Tónleikar Nordic Affect á Airwaves í Kaldalóni í Hörpu ollu ekki vonbrigðum. Þar blandaðist saman lifandi hljóðfæraleikur við hljóðupptökur og myndbönd. Hljóðfæraleikararnir voru þær Halla Steinunn Stefánsdóttir fiðluleikari, Guðrún Hrund Harðardóttir víóluleikari og Hanna Loftsdóttir sellóleikari. Spilamennskan var framúrskarandi, vandvirknisleg og þétthljómandi, hvert sem viðfangsefnið var. Tvö verk voru frumflutt á tónleikunum. Hið fyrra var Púls tveir eftir Huga Guðmundsson og Kippa Kaninus (Guðmund Vigni Karlsson), en hið síðara Clockworking eftir Maríu Huld Markan Sigfúsdóttur. Frumflutningarnir voru fleygaðir með tónlistarmyndbandi í þremur hlutum eftir Andra Hafliðason. Tónlistin þar var einnig eftir Huga og bar heitið Händelusive. Hugi samdi hana upphaflega fyrir Nordic Affect. Hún var sveimkennd hugleiðing um tónlist Händels eftir því sem ég best gat heyrt. Myndbandið var sömuleiðis passíft, það samanstóð af svipmyndum úr borgarlífi, ýmist glaðlegum eða þungbúnum. Hvort tveggja kom prýðilega út, skapaði rólegt andrúmsloft sem var í þægilegri mótsögn við tryllinginn á Airwaves. Frumfluttu tónsmíðarnar voru líka glæsilegar. Í Púls tveimur sá maður Höllu Steinunni og Guðrúnu Ólafsdóttur semballeikara spila nokkra tóna. Þeir voru endurteknir í sífellu. Ofan í þá var lifandi hljóðfæraleikur sem var ómþýður og grípandi. Heildarmyndin var draumkennd og notaleg. Í Clockwork var einnig leikið með svokallaða lúppu, í þetta sinn sáust nokkrir menn vinna erfiðisvinnu úti í skógi. Það var bútur úr gamalli heimildarmynd endurunninn af Þorbjörgu Jónsdóttur. Við bútinn spiluðu hljóðfæraleikararnir dáleiðandi tónavef, sem smám saman tók breytingum, varð upphafnari og endaði í alsælu. Tónlistin var í fyrstu tímalaus, enginn taktur, bara liggjandi hljómar. En svo náði fjarlægur dans yfirhöndinni; það var heillandi stund.Óhætt er að segja að dagskráin hafi verið áhugaverð og enn ein skrautfjöðrin í hatt þessa magnaða tónlistarhóps.Niðurstaða: Tónleikar Nordic Affect á Airwaves voru sérlega skemmtilegir, spilamennskan var vönduð, tónlistin áhugaverð, myndböndin grípandi. Gagnrýni Mest lesið Galopnar sig og segist ætla að breyta hlutunum Lífið Freðinn faðir, fáránlegir fasistar og fyrsta flokks bíó Gagnrýni Baunar á kókaða söngkonu fyrir baktal Tónlist „Ákvað að skilja hana eftir þar og athuga hversu langt ég kæmist“ Lífið Óöruggur eftir að kærastan stundaði hópkynlíf erlendis Lífið Skilin að borði og sæng eftir 28 ára hjónaband Lífið Útbjó lágkolvetna prógram fyrir systur sína sem léttist strax og fékk meiri orku Lífið „Rétturinn sem fjölskyldan þín mun elska og biðja um aftur og aftur“ Lífið Frumsýning á Vísi: Iceguys trylla þjóðina enn og aftur í nýju myndbandi Tónlist Markmiðið að græða ekkert og „helst tapa pening“ Menning Fleiri fréttir Freðinn faðir, fáránlegir fasistar og fyrsta flokks bíó Veisla fyrir augu og eyru Ekki er allt gull sem glóir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Sjá meira
Tónlist: Nordic Affect frumflutti tónlist eftir Huga Guðmundsson og Maríu Huld Markan Sigfúsdóttur í Kaldalóni í Hörpu, föstudaginn 1. nóvember á Airwaves. Nordic Affect er heitið á kammerhópi sem hefur sérhæft sig í að leika verk frá 17. og 18. öld. En ekki bara það, heldur líka í frumflutningi nýrra tónsmíða sem eru smekklega settar inn í eldri dagskrá. Útkoman er oft frábærlega skemmtileg. Tónlistin smitar út frá sér, sú eldri fær á sig ferskan andblæ nútímans, og nýja músíkin verður enn nýstárlegri í samhengi liðinna alda. Tónleikar Nordic Affect á Airwaves í Kaldalóni í Hörpu ollu ekki vonbrigðum. Þar blandaðist saman lifandi hljóðfæraleikur við hljóðupptökur og myndbönd. Hljóðfæraleikararnir voru þær Halla Steinunn Stefánsdóttir fiðluleikari, Guðrún Hrund Harðardóttir víóluleikari og Hanna Loftsdóttir sellóleikari. Spilamennskan var framúrskarandi, vandvirknisleg og þétthljómandi, hvert sem viðfangsefnið var. Tvö verk voru frumflutt á tónleikunum. Hið fyrra var Púls tveir eftir Huga Guðmundsson og Kippa Kaninus (Guðmund Vigni Karlsson), en hið síðara Clockworking eftir Maríu Huld Markan Sigfúsdóttur. Frumflutningarnir voru fleygaðir með tónlistarmyndbandi í þremur hlutum eftir Andra Hafliðason. Tónlistin þar var einnig eftir Huga og bar heitið Händelusive. Hugi samdi hana upphaflega fyrir Nordic Affect. Hún var sveimkennd hugleiðing um tónlist Händels eftir því sem ég best gat heyrt. Myndbandið var sömuleiðis passíft, það samanstóð af svipmyndum úr borgarlífi, ýmist glaðlegum eða þungbúnum. Hvort tveggja kom prýðilega út, skapaði rólegt andrúmsloft sem var í þægilegri mótsögn við tryllinginn á Airwaves. Frumfluttu tónsmíðarnar voru líka glæsilegar. Í Púls tveimur sá maður Höllu Steinunni og Guðrúnu Ólafsdóttur semballeikara spila nokkra tóna. Þeir voru endurteknir í sífellu. Ofan í þá var lifandi hljóðfæraleikur sem var ómþýður og grípandi. Heildarmyndin var draumkennd og notaleg. Í Clockwork var einnig leikið með svokallaða lúppu, í þetta sinn sáust nokkrir menn vinna erfiðisvinnu úti í skógi. Það var bútur úr gamalli heimildarmynd endurunninn af Þorbjörgu Jónsdóttur. Við bútinn spiluðu hljóðfæraleikararnir dáleiðandi tónavef, sem smám saman tók breytingum, varð upphafnari og endaði í alsælu. Tónlistin var í fyrstu tímalaus, enginn taktur, bara liggjandi hljómar. En svo náði fjarlægur dans yfirhöndinni; það var heillandi stund.Óhætt er að segja að dagskráin hafi verið áhugaverð og enn ein skrautfjöðrin í hatt þessa magnaða tónlistarhóps.Niðurstaða: Tónleikar Nordic Affect á Airwaves voru sérlega skemmtilegir, spilamennskan var vönduð, tónlistin áhugaverð, myndböndin grípandi.
Gagnrýni Mest lesið Galopnar sig og segist ætla að breyta hlutunum Lífið Freðinn faðir, fáránlegir fasistar og fyrsta flokks bíó Gagnrýni Baunar á kókaða söngkonu fyrir baktal Tónlist „Ákvað að skilja hana eftir þar og athuga hversu langt ég kæmist“ Lífið Óöruggur eftir að kærastan stundaði hópkynlíf erlendis Lífið Skilin að borði og sæng eftir 28 ára hjónaband Lífið Útbjó lágkolvetna prógram fyrir systur sína sem léttist strax og fékk meiri orku Lífið „Rétturinn sem fjölskyldan þín mun elska og biðja um aftur og aftur“ Lífið Frumsýning á Vísi: Iceguys trylla þjóðina enn og aftur í nýju myndbandi Tónlist Markmiðið að græða ekkert og „helst tapa pening“ Menning Fleiri fréttir Freðinn faðir, fáránlegir fasistar og fyrsta flokks bíó Veisla fyrir augu og eyru Ekki er allt gull sem glóir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Sjá meira