Íslenskur tölvuleikur á Playstation, X-box og Steam Hrund Þórsdóttir skrifar 17. apríl 2014 20:00 Nokkrir ungir íslenskir menn voru að koma heim frá Boston, þar sem þeir kynntu nýjan tölvuleik sem þeir hafa unnið að í tvö ár. Í gærkvöldi var leikurinn samþykktur af Steam, sem er stærsti dreifingaraðili PC leikja í heiminum, en hann kemur einnig út á Playstation og X-box. Heimurinn sem leikurinn gerist í nefnist Lumenox og innan hans eru fjórir guðir, Day, Night, Dusk og Dawn sem deila valdinu. Guðinn Nótt ætlar að hrifsa til sín völdin og Aaru, persóna spilarans, er undirmaður Dögunar og hann reynir að koma jafnvægi á aftur. „Þetta er svokallaður hopp og skopp leikur, tvívíður. Hann virkar í raun eins og Super Mario bros leikirnir gömlu, þ.e. þú hleypur á hlið í gegnum borðin frá a til b í rauninni,“ segir Jóhann Ingi Guðjónsson, markaðsstjóri Lumenox. Athygli hefur vakið að leikurinn er handteiknaður en auk þess býður hann upp á nýstárlega spilun. „Aðalhluturinn er að leikmaðurinn getur skotið kúlu og síðan „teleportað“ sig að kúlunni og þetta er nýtt í þessu formi leikja,“ segir Burkni Óskarsson, framkvæmdastjóri Lumenox. Þeir félagar komu frá Boston á þriðjudaginn en þar fengu þeir góðar undirtektir á tölvuleikjasýningunni Pax, sem er ein sú stærsta í heiminum. Vonast er til að leikurinn komi út innan tveggja mánaða, væntanlega fyrst á Playstation. „Við erum komnir með leikinn inn á Playstation og X-box og svo í gærkvöldi fengum við bréf frá Steam og þeir voru að hleypa okkur inn á kerfið þeirra til að selja Windows útgáfuna. Þetta er stærsti dreifingaraðili í heimi fyrir PC leiki svo þetta er bara frábært. Við erum komnir með þessa þrjá stærstu póla sem við viljum komast inn á,“ segir Burnki. Svo þetta er ykkar framtíðarstarf, eða hvað? „Já, klárlega,“ segir Jóhann. Leikurinn inniheldur ekkert blóð og allir mega spila hann. Nánari upplýsingar má finna á heimasíðu Lumenox og Facebooksíðu fyrirtækisins. Leikjavísir Mest lesið Berbrjósta og bleikhærðar með byltingu Lífið Skiptir stærðin raunverulega máli? Lífið Fullkominn brúðkaupsdagur í sænskum kastala Lífið Einbýlishús með möguleika á makaskiptum Lífið Frumsýning á Vísi: Stikla fyrir aðra seríu af Bannað að hlæja Lífið Stórstjörnur í mögulegum ástarþríhyrningi Lífið „Blessaður, þú ert með heilaæxli“ Lífið Segir Gleðigönguna ekki vera fyrir sig en styður baráttuna Lífið Sagan þegar Villi Vill ákvað að lagið Söknuður yrði í eigin jarðarför Lífið Leikur Elsu Lund í fatla eftir vondan skell Lífið Fleiri fréttir Stiklusúpa: Eins gott að þið spöruðuð frídaga inn í haustið Mafia: The Old Country - Fínasta afþreying, þó þunn sé Echoes of the End: Íslensk frumraun undir góðum áhrifum stríðsguðsins Sjá meira
Nokkrir ungir íslenskir menn voru að koma heim frá Boston, þar sem þeir kynntu nýjan tölvuleik sem þeir hafa unnið að í tvö ár. Í gærkvöldi var leikurinn samþykktur af Steam, sem er stærsti dreifingaraðili PC leikja í heiminum, en hann kemur einnig út á Playstation og X-box. Heimurinn sem leikurinn gerist í nefnist Lumenox og innan hans eru fjórir guðir, Day, Night, Dusk og Dawn sem deila valdinu. Guðinn Nótt ætlar að hrifsa til sín völdin og Aaru, persóna spilarans, er undirmaður Dögunar og hann reynir að koma jafnvægi á aftur. „Þetta er svokallaður hopp og skopp leikur, tvívíður. Hann virkar í raun eins og Super Mario bros leikirnir gömlu, þ.e. þú hleypur á hlið í gegnum borðin frá a til b í rauninni,“ segir Jóhann Ingi Guðjónsson, markaðsstjóri Lumenox. Athygli hefur vakið að leikurinn er handteiknaður en auk þess býður hann upp á nýstárlega spilun. „Aðalhluturinn er að leikmaðurinn getur skotið kúlu og síðan „teleportað“ sig að kúlunni og þetta er nýtt í þessu formi leikja,“ segir Burkni Óskarsson, framkvæmdastjóri Lumenox. Þeir félagar komu frá Boston á þriðjudaginn en þar fengu þeir góðar undirtektir á tölvuleikjasýningunni Pax, sem er ein sú stærsta í heiminum. Vonast er til að leikurinn komi út innan tveggja mánaða, væntanlega fyrst á Playstation. „Við erum komnir með leikinn inn á Playstation og X-box og svo í gærkvöldi fengum við bréf frá Steam og þeir voru að hleypa okkur inn á kerfið þeirra til að selja Windows útgáfuna. Þetta er stærsti dreifingaraðili í heimi fyrir PC leiki svo þetta er bara frábært. Við erum komnir með þessa þrjá stærstu póla sem við viljum komast inn á,“ segir Burnki. Svo þetta er ykkar framtíðarstarf, eða hvað? „Já, klárlega,“ segir Jóhann. Leikurinn inniheldur ekkert blóð og allir mega spila hann. Nánari upplýsingar má finna á heimasíðu Lumenox og Facebooksíðu fyrirtækisins.
Leikjavísir Mest lesið Berbrjósta og bleikhærðar með byltingu Lífið Skiptir stærðin raunverulega máli? Lífið Fullkominn brúðkaupsdagur í sænskum kastala Lífið Einbýlishús með möguleika á makaskiptum Lífið Frumsýning á Vísi: Stikla fyrir aðra seríu af Bannað að hlæja Lífið Stórstjörnur í mögulegum ástarþríhyrningi Lífið „Blessaður, þú ert með heilaæxli“ Lífið Segir Gleðigönguna ekki vera fyrir sig en styður baráttuna Lífið Sagan þegar Villi Vill ákvað að lagið Söknuður yrði í eigin jarðarför Lífið Leikur Elsu Lund í fatla eftir vondan skell Lífið Fleiri fréttir Stiklusúpa: Eins gott að þið spöruðuð frídaga inn í haustið Mafia: The Old Country - Fínasta afþreying, þó þunn sé Echoes of the End: Íslensk frumraun undir góðum áhrifum stríðsguðsins Sjá meira