"Elsti aðdándi okkar sem við vitum um er 104 ára. Það var stórkostleg stund fyrir okkur að hitta hana. Virðing," skrifa meðlimir Pollapönks við mynd af sér með hinni þýsku Oma Ella.
Hún birtir mynd af sér með Pollapönkurum á Facebook-síðu sinni og er greinilega afar hrifin af strákunum okkar.
Oma er mikill Eurovision-aðdáandi ef marka má Facebook-síðu hennar og hefur hún náð að mynda sig í bak og fyrir með ýmsum keppendum.
Pollapönkarar keppa til úrslita í Eurovision á laugardagskvöldið með lagið Enga fordóma, eða No Prejudice. Í kvöld kemur í ljós hvaða tíu lönd til viðbótar hreppa sæti í úrslitunum.
