Veiðimessa hjá Veiðiflugum um helgina

Um helgina halda Veiðiflugur Veiðimessu fjórða árið í röð og eins og venjulega er mikið um að vera í búðinni.

Þekktir veiðimenn kynna stangir, vörur og þjónustu og  Klaus Frimor og Gordon Sim frá Loop verða til skrafs og ráðagerða. Allir helstu veiðileyfasalar landsins kynna árnar sínar og Ingvar á Enska barnum ætlar að grilla ribeye og Rikki hjá Rolf Johansen verður með þrúgu kynningu fyrir fullorðna. Grillaðar verða pylsur handa unga fólkinu og Bubbi mætir með gítarinn og syngur veiðisögur. Þetta er fyrst og fremst skemmtun fyrir alla fjölskylduna þar sem starfsmenn Veiðiflugna bjóða veiðisumarið 2014 velkomið.  Opið verður frá 10- 17 á laugardag og 12 -16 sunnudag á Langholtsvegi 111