Veiði

Veiðibúðin við Lækinn skiptir um eigendur

Karl Lúðvíksson skrifar
Veiðibúðin við Lækinn, hin vel þekkta og rótgróna veiðibúð á Strandgötu 49 í Hafnarfirði, hefur skipt um eigendur.   Árni Jónsson hefur, f.h. fyrirtækis síns, keypt verslunina af Bráð ehf. sem séð hefur um rekstur hennar síðastliðin tvö og hálft ár.

 Árni Jónsson segir að áfram verði mikil áhersla lögð á góða og persónulega þjónustu, góðar ráðleggingar og gæða vöruúrval. „Vöruúrvalið mun haldast að mestu óbreytt en við ætlum einnig að leggja áherslur á nýjar vörur frá Redington sem eru að koma á markað þessa dagana, enda margt spennandi að gerast hjá dótturfyrirtæki SAGE“.   Árni hefur einnig hug á að bjóða upp á ýmis námskeið í vetur auk þess sem hann hefur í hyggju að skipuleggja veiðiferðir erlendis í haust og vetur. 
Stangveiði

Mest lesið




×

Mest lesið