Miklar breytingar hafa orðið á liði Inter á undanförnum árum, en til marks um það er enginn þeirra 18 leikmanna sem voru í leikmannahópi liðsins í úrslitaleik Meistaradeildar Evrópu 2010, enn hjá félaginu.
Tímabilið 2009-2010 rennur stuðningsmönnum Inter eflaust seint úr minni, en liðið vann þá þrennuna svokölluðu; ítölsku deildina, ítölsku bikarkeppnina og Meistaradeildina.
Síðan þá hefur mikið vatn runnið til sjávar, eins og sjá má hér að neðan.
Byrjunarlið Inter gegn Bayern München í úrslitaleik Meistaradeildarinnar 2010:
Markvörður: Júlio Cesar - fór til QPR 2012
Hægri bakvörður: Maicon - fór til Manchester City 2012
Miðvörður: Lúcio - fór til Juventus 2012
Miðvörður: Walter Samuel - fór til Basel 2014
Vinstri bakvörður: Christian Chivu - hætti 2014
Miðjumaður: Javier Zanetti - hætti 2014
Miðjumaður: Esteban Cambiasso - fór frá Inter 2014, er enn án félags
Framliggjandi miðjumaður: Wesley Sneijder - fór til Galatasaray 2013
Framherji: Samuel Eto'o - fór til Anzi Makhachkala 2011
Framherji: Diego Milito - fór til Racing Club 2014
Framherji: Goran Pandev - fór til Napoli 2011
Varamenn:
Fransesco Toldo - hætti 2010
Iván Córdoba - hætti 2012
Marco Materazzi - hætti 2010
Dejan Stankovic - hætti 2013
Sulley Muntari - fór til AC Milan 2012
McDonald Mariga - fór til Real Sociedad 2011
Mario Balotelli - fór til Manchester City 2010
Þjálfari liðsins, José Mourinho, fór til Real Madrid eftir tímabilið 2009-2010.
