Takefusa í stuði í sigri Þróttar

Þróttarar keyrðu yfir Tindastól í fyrstu deild karla í fótbolta i dag. Lokatölur urðu 4-0 í Laugardalnum.

Staðan var markalaus í hálfleik, en í síðari hálfleik skiptu röndóttir heimamenn um gír og keyrðu yfir fallna Sauðkrækingar.

Síðari hálfleikur byrjaði ótrúlega. Björgólfur Takefusa kom Þrótturum yfir á 47. mínútu, Matthew Eliasson bætti við öðru marki á 48. mínútu og Björgólfur bætti við öðru marki sínu og þriðja marki Þróttara á 49. mínútu.

Oddur Björnsson negldi svo síðasta naglann í líkkistu Tindastóls tíu mínútum fyrir leikslok og þar við sat.

Með sigrinum fór Þróttur upp í fjórða sæti deildarinnar, en Tindastóll er einungis með þrjú stig á botninum og eru fallnir.